【台灣校園主題】小時光

有種情懷叫那些年。

每個人都有最懷念想時光倒流的地方，細細聲講，其實小編在台灣有過一段青蔥歲月，最開心係近年本地紛紛開台式小食、文青cafe，可以慰藉下思鄉之苦，但要數到最有特色，一定係呢間校園cafe，開在觀塘工廈，卻長期引來大批人潮朝聖！

一入到cafe，裝修好特別，以台灣國小為設計主題，就同學校一樣，用校園課室既枱同椅，燈光暗黃，玩氣氛。

大家坐得好近好親密，餐廳滿座，都好旺場！

全店布置花盡心思，連舊式電視、漫畫書、膠水壺都有，好懷舊，就好似回到過去。

男士都唔介意坐細細張木櫈，雖然屈質，但一樣食得滋味。店內仲有好多長頸鹿陪食呀！

餐具以自助方式，跟足台灣style。

首先要去前台揀野食，再落單俾錢，而店員都以台灣人為主，要講幾句普通話，十足去左台灣！

等美食時再慢慢嘆個環境。

除餐牌寫滿國語拼音，連取餐呼叫器都係，好用心，飯餐準備好就會震動通知可以出去取餐啦！

本地餐廳較少自助形式，店內清楚列明點餐位同取餐處，但都見到唔少人一頭霧水。

終於到我拎野食啦！

店內服務生都穿上國中生制服，同學好！

Cafe鎮店之寶出場，香酥雞扒(HKD30)，女仔食都真係幾大份，勝在真係夠脆，juicy有口感！

識食一定要食魯肉飯(HKD22 )，小編在台灣時已經大愛！

紫薯拿鐵(HKD35)，味道算濃，但奶味比較重，要睇個人口味！

小時光
地址：觀塘興業街18號美興工業大廈A座1樓C室
營業時間： 星期一 12:00-18:00, 星期二至日 12:00-21:30