【限定14日 夏祭開鑼!】SOGO

夏天為大地帶來‧‧‧‧‧‧美食!想食日本好東西,集中地當然係SOGO Freshmart,次次小編去銅鑼灣都會行個圈,今次一年一度的日本夏祭只有限定14日(7月6號開鑼)更唔可以錯過!因大部份攤檔所售的日本食品都係期間限定,平時SOGO係無得賣嫁!小編要今次把握機會,睇吓有咩正嘢食,去掃貨!

DSC-06

現場有不少攤檔,布置跟足日本祭典,推廣人員都穿上傳統服裝招待客人!行完一個圈,小編表示已餓了,出動!

必食1號  年輪蛋糕

DSC01689 (1).jpg

Juchheim喺日本已經鼎鼎大名,年輪蛋糕早已出晒名,小編見岩岩開檔,梗係衝咗去試食先!

DSC-15有原味、朱古力、士多啤梨、藍莓的忌廉慕絲年輪蛋糕(細:HKD$20) ,迷你版真係好抵食,一開檔就有唔少人買,細細隻方便食完行街。一拎起上手,就聞到很香的雞蛋味,口感扎實,更帶微微濕潤,Juchheim真係每次都有驚喜,一定要食!

DSC01591.JPG除年輪蛋糕,仲有採用百年老店「大井肉店」神戶牛肉製成的神戶牛肉批(HKD38),仲有蘋果批(HKD38)安納芋批(HKD28),更首次在香港登場,過埋呢兩星期就無啦!

DSC-05小編最愛蘋果批,甜甜的內餡是我愛的甜食list三甲!

必食2號  蕃薯甜品

DSC-01JUCHHEIM對面就係松藏POTATO!小編有位好鍾意食蕃薯既朋友去日本東京食過,仲好興奮影相話係「食過最好食既蕃薯」,推介我去到當地一定要試!今次香港有得食啦,但記住係限定14日,想食要快!

DSC01695今年紫薯大熱,迷你雙色蕃薯(HKD14)啱晒香港人口味!

DSC01698.JPG經加工後變成一隻隻的甜蕃薯,焗得咁靚仔,小編食過蕃薯菓子(HKD22)後才明白朋友的驚歎!蕃薯皮很薄,仔細睇其實是有分層,外面一層油油地的糖衣,裡面是加工擣碎的蕃薯蓉,也太有口感,而且有淡淡的甜味,是一顆幸福的蕃薯!

DSC01702有選擇困難症的小編最後揀咗松藏set(HKD100),有齊三款蕃薯菓子系列,仲有迷你雙色蕃薯,絕對係必試!

必食3號  一口格格脆

行去夏祭攤檔,大家都畀佢吸引,原來係「窩夫格格脆」!

DSC-12有多種口味選擇,抹茶、士多啤梨、曲奇等,窩夫格格脆(HKD39/4個、HKD64/7個、HKD100/11個)可以任意配搭!

DSC-14

日本師傅正用心製作中,每個步驟都小心翼翼。

DSC-13見到師傅於焗好窩夫後,先放涼再剪開一半。

DSC-11加上抹茶醬後,新鮮焗起的「一口格格脆」就完成了!酥皮香又夠脆,而小編揀選抹茶味,據說是最好賣的,好啱同朋友、屋企人開心share!

必食4號 即制魷魚絲

DSC01617-1.jpg

日本皇牌小食魷魚絲同乾魚仔,每次去一定會買幾包返黎!小編行近少少攤檔都聞到陣陣鮮味!

DSC01618.JPG有多款海產類制品售賣,好似乾魚仔(HKD100/120g)、大豆魚仔、一口帶子同北海道產元貝等。

DSC01620-1.jpg唔好以為師傅無咩功夫,只是將魷魚切絲呀!小編講多少少,其實整魷魚背後製作過程好複雜,將魷魚切件去皮後,還要經過N個步驟!咁多程序都係為左令佢夠鮮味!小編即刻試已切絲的制品,果然是帶鮮味而不太鹹,值得一讚,食落嚼勁十足,好啱返工口痕密密食!

DSC01624.JPG魷魚絲(HKD160/120g)切絲幼細,小編愈食愈多,完全沉醉咗自己世界,無法自拔!

必食5號 芝士蛋糕

DSC-08咬完一輪魷魚絲,食返啲甜品先,去日本必試一定係芝士蛋糕!品牌Ocean KE-KI採用日本進口材料,日籍師傅主理,於香港新鮮製造,見到現場所賣的芝士蛋糕有朱古力、雙層及抹茶口味(HKD30/1pc),可以揀三種口味的Set裝。

DSC-07日式芝士蛋糕最重要夠綿密濕潤及香濃鬆軟,日本人製作芝士蛋糕已去到神級水準,當然呢個迷你版的cheese cake也沒讓我失望,在凍櫃剛拎出黎,芝士味夠濃,入口都有濕潤感,今天真係幸福的小甜點日!

同場加映 酥皮鯛魚燒

長期有人龍的酥皮鯛魚燒,在日本已擁超過 100 間分店,真係強勢登陸香港架!難得今日不用排隊,就算已經飽到上頭頂,都要食埋佢先走!

DSC-10.jpg店內職員即制鯛魚燒,附近都聞到陣陣香味,引死人!

DSC-7脆卜卜的酥皮鯛魚燒同傳統蛋糕款質感完全不同,表面仲有層薄脆的焦糖!

DSC-6價錢都好合理,有三種口味選擇,北海道產的紅豆最熱賣!

DSC-3鯛魚燒制作是以酥皮包住再夾嚟燒,全部即做,熱辣辣!

DSC-5紅豆鯛魚燒(HKD15)雖然外形黑咗少少,但外脆內軟,超正!

DSC-2小編即時將「魚身」解剖,入面的紅豆蓉餡料一樣軟滑夠味,同鯛魚燒好夾!再encore多個先!(注意:鯛魚燒係長期店,隨時都可以黎食!)

SOGO Freshmart夏祭
日期:7月6日至7月19日(限定14日)
推廣會場地址:SOGO銅鑼灣店地庫二層超市內

You may also like...

Leave a Reply

Your email address will not be published. Required fields are marked *