【迎奧運!嘆巴西自助餐】萬麗咖啡室

里約奧運下月初就正式喺巴西開幕啦,作為運動狂迷既小編,梗係十分十分期待啦!最近位於灣仔的海景萬麗酒店的萬麗咖啡室,以巴西風味做主題,迎接奧運啦!小編已急不及待去望梅止渴試試,據知來自當地的廚師廚藝高超,設計多款地道菜式,重點係仲幾型仔,真係睇飽食飽呀!

自助餐必掃位 1/巴西傳統美食

DSC-01.jpg

自助餐區高掛巴西國旗,令現場充滿氣氛,感染下巴西既熱情!

DSC_3433中日韓式前菜就食得多啦,巴西前菜又係點樣,小編去探究下先!

DSC_3437頭盤唔少得沙律,要健康當然清清地開胃先!由自己混合的沙律有不少配搭, 另外仲有黑眼豆沙拉西蘭花腰果沙律意粉沙律牛油梨紅菜頭沙律及泰式牛肉沙律,都好多選擇!

DSC_3435黑眼豆沙拉  其實黑眼豆營養成分相當豐富,所含維生素B1可以蠕動胃腸道,促進食慾。餐前食最好不過。

DSC_3438巴西式炸雞肉 熱盤方面,呢款巴西炸雞最吸引,粒粒金黃色,遠望仲以爲係細泡芙!炸雞肉最緊要趁熱食,服務員會不停添加,唔洗驚食唔到熱辣辣炸雞肉球啦。

DSC_3469巴西燉魚 有好濃厚大蒜味加埋胡椒同椰奶,完全刺激到味蕾。

DSC_3470黑豆燴雜肉 賣相雖然唔吸引,但以黑豆、香腸及豬肉燴製成而,真係夠晒健康!黑豆對消腫、潤肺清熱又好有幫助,仲要好有口感!

2/即製串燒班戟 

DSC_3514現場布置充滿巴西風情,掛滿國旗,已經好有feel!仲有當地靚仔客席大廚Lucio Mauro為你即叫即製串燒呀!

DSC_3501.JPG木薯班戟 有廚師即製巴西特色甜品,班戟皮夠薄,加上滿滿的香蕉,而木薯餡又好有巴西風情!已經聞到好香,即刻Order幾份先!

DSC_3439

班戟切成一小件細意品嘗,唔會怕甜到漏!

3/傳統甜品朱古力球

DSC_3477Brigadeiro朱古力球 傳統巴西甜品一定唔少得,香甜又好濃郁朱古力味,絕對不能錯過!

DSC_3473焦糖布甸 內藏多款生果,一定要食肯定係「超級水果」巴西莓,食左咁多野落肚,佢可以幫助提高新陳代謝及消化系統健康!令內外都變靚的水果,一定要好好享用!

DSC_3474椰子西梅布甸 西梅汁帶點椰香,更消暑開胃!

4/掃埋環球美食

DSC_3411

唔止巴西美食咁簡單,平時自助餐食到既都有!可以滿足晒唔同食客,好貼心!

DSC_3415國際美食好似日本雜錦壽司及小卷,都好多款可以揀,。大熱鰻魚、三文魚、生蝦係必有嘅,而且小編試食過,質素係唔錯!

DSC_3482除左壽司卷物,頭盤凍肉有莎樂美腸 Salami、西班牙辣肉腸 Spanish Salami、風乾牛肉 Air-dried Beef,一於每款都試下。

DSC_3422凍海鮮都好吸引嫁,有夏天當造嘅肥美澳洲 Rock Oyster、藍青口、蟹脚、翡翠螺,仲有熟蝦。注定食到肚滿腸肥啦!

5/仲有得抽海景房

仲有仲有!食客在即日至8月10日享用「巴西風味自助餐」就可以參加大抽獎,有機會獲得免費海景房住宿兩晚,其他獎品都分別有自助餐劵及美食劵,有野食又獎抽真係滿足!

萬麗咖啡室「巴西風味自助晚餐」
日期:即日至8月31日
價錢:(星期一至四)成人HKD568, 3-11歲小童HKD368
(星期五至日及公眾假期)成人HKD588, 3-11歲小童HKD388
地址:灣仔港灣道1號香港萬麗海景酒店閣樓
查詢:2802 8888

 

You may also like...

Leave a Reply

Your email address will not be published. Required fields are marked *