【韓系4℃夢幻冷麵】The Joomak

嘩!精緻兩個字通常用黎形容西餐,但今次絕對可以用返依兩個字嚟形容韓國菜,韓國菜一諗到就係炒年糕,石頭鍋飯,韓燒等等,好似食黎食去都無啲新意思,但究竟精緻既韓國菜有咩咁特別?同一般韓國菜有咩分別,真係要細心品嚐一下先得。

OLYMPUS DIGITAL CAMERA

傳說韓國光州流行一種4 ° C冷麵食法,麵條保持喺4 °C最爽滑!呢款4° C 豚肉冷麵 (HKD78),令你唔駛去到光州都食到地道爽滑冷麵。麵條經過嚴格冷熱調製,控制到唔腍唔硬啱啱好,非常爽滑彈牙。為咗保持麵條喺4 °,食器入面仲擺咗大量冰塊,上枱果陣出晒煙,非常夢幻!建議大家食嗰陣將麵條、配料及醬汁放落碟再拌勻食,仲要喺冷麵上枱之後15分鐘之內食晒呀,咁就最好味啦!

OLYMPUS DIGITAL CAMERA

鍾意食芝士嘅朋友一定要試下呢個紫菜x溶岩芝士包(HKD228)啦!事關呢個芝士非常有心思,一共混合咗五種芝士調製,仲非常考究咁將芝士用唔同溫度加熱,先至再即時倒入外皮卜卜脆嘅特製方型麵包裡面混合。拉出一呎芝士絲不是夢!小編推薦食嗰陣將紫菜包住小食,再隨意加上泡菜,沾上特製芝士一啖過!咁樣表層有香濃芝士包住,底層又有小食香脆口感,幾個層次一啖過享受晒!小食一共四款,包括有招牌炸雞、炸韓國年糕、炸魷魚同埋炸翠玉瓜。

OLYMPUS DIGITAL CAMERA

ICE STORM(HKD68)呢款士多啤梨冰沙出奇咁香滑,一飲落去酸酸甜甜,再慢慢滲出士多啤梨嘅果香味,令人一試難忘。加埋冰筒有保溫嘅效果,唔會咁快就溶晒,就算抖陣再飲都依然咁香濃!

OLYMPUS DIGITAL CAMERA

鍾意拼盤嘅朋友可以試下Joomak Plate (HKD158),入面有家鄉醃菜飯卷、泡菜芝士三文治、甜酸炸雞、士多啤梨慕思同埋沙律。呢個拼盤有傳統菜式之餘亦有新派三文治,加埋充滿肉汁嘅炸雞、香滑士多啤梨慕思同埋沙律,一次過滿足晒小編五個為食願望!

IMG_1179

Joomak出名鬼主意多,菜單又有創意,混入多種驚喜元素,大蜆泡菜炒年糕意粉(HKD108)就係一個好例子,泡菜同年糕原來已經可以成為一道菜式,但加上大蜆同意粉,口感提升咗另一個層次。

IMG_1184

韓式牛肉墨西哥飯卷(HKD78) 如果大家鐘意其他異國風情食物嘅話,依個飯卷絕對適合你,佢混合韓、日、墨西哥風味係依個飯卷上,本身整個以日本手卷為藍本,但用墨西哥餡餅取代紫菜包,最後餡料選用韓式牛肉,牛肉味濃,食落難以忘懷,此外,飯卷以外仲有沙律菜伴碟,盡見心思。

The Joomak
地址:尖沙咀廣東道17號海港城海運大廈3樓LCX 34號舖
電話:2111 0851
營業時間:星期一至日: 11:30-22:30

You may also like...

Leave a Reply

Your email address will not be published. Required fields are marked *