【新派慢活素食】The Herbivores

一提起素食,好多人就會諗到傳統齋舖,但其實西式素食越來越普遍。有人素食,係因爲宗教理由,有人就為咗健康,無論係咩原因素食,小編都有好推介。中環蘇豪區素食店The Herbivores,一向都係不少素食者嘅飯堂,2014年更獲誠品書店邀請,係書店内開分店。誠品店比中環店大咗幾倍,可以坐到五六十人。店内中央放咗一張大長檯,素食者們可以盡情享受悠閒時光。

Hysan Place餐廳行典雅風,擺設都以木製爲主,暖色調燈光環境加上健康美味食物,食得放心又傾得開心。

pumpkin-carbonara
南瓜卡邦尼意粉 (HKD168) 本身卡邦尼係來自意大利羅馬嘅家常麵食,經過改良之後,少咗煙肉,加入南瓜,中和本身卡邦尼嘅油膩感,加上今次用扁身麵,口感大增。

OLYMPUS DIGITAL CAMERA意式青瓜卷(HKD72) 味道酸酸甜甜,青瓜片卷住芝士,爽脆嘅青瓜包住濃郁芝士,食落好有層次感,再加埋意大利油醋,非常開胃!

OLYMPUS DIGITAL CAMERA黑松露雜菌意大利飯(HKD178)可以自由選擇走蔥蒜或者全素,啱晒各種素食朋友。Menu底部有提示解釋每道菜係”B”(走蔥蒜)或是”V”(全素),素食者們可以根據自己意願選擇,唔洗擔心個人因素錯過美食啦。不得不讚意大利飯加咗Cream,口感軟熟又夠香。

OLYMPUS DIGITAL CAMERA招牌豆腐漢堡配薄脆(HKD128)表面好鬆脆而內裡煙韌嘅麵包,中間夾住似魚柳一樣鬆脆而有彈性質地嘅豆腐,真係估你唔到!小編得知餐廳蔬菜係每天購入,新鮮又健康即刻大啖大啖食。

OLYMPUS DIGITAL CAMERA豆腐盒子(HKD188)賣相相當新穎,唔講係豆腐仲以爲係酥皮麵包。呢個盒子用本地板豆腐同 risotto混合,中間釀入芝士,蒸完再炸嘅芝士汁滲出表面,加上自製麵豉醬同底下墊粟米粒,味道香甜。

The Herbivores
地址:銅鑼灣軒尼詩道500號希慎廣場9樓 (誠品書店內)
電話:2613 2920
營業時間:星期一至日: 12:00-22:30

You may also like...

Leave a Reply

Your email address will not be published. Required fields are marked *