【日系文青別緻Cafe】L Place Cafe

深水埗 – 係入面會搵到各種各樣既電子產品,你亦都可以係你可以係入面搵到一啲平民既美食,但最近,小編仲搵到間價錢合理,但質素相當唔錯既Cafe,本身從舖面座落於深水埗街道上卻顯得有點格格不入,但其實本身餐廳負責人同主廚揀起深水埗開業係有原因,佢好想附近既居民想搵啲好少少質素既餐廳,唔需要去到尖沙咀、中環、銅鑼灣,而希望一諗起深水埗既嘢食,唔單止諗起一啲出名既平民美食,而開始諗起有間L Place Cafe。

dsc_0368
裝潢間格木製日系風格,在微微既燈光下,仿如置身於日本既小店裡,享受一個悠閒既下午。

dsc_0371
仿古舊燈泡懸吊左餐廳每一個地方,證明店主對依間餐廳盡心盡力,對每個小細節都極其執著。

dsc_0374
蒜蓉牛油焗波士頓龍蝦配青醬忌廉汁天使麵(HK118套餐,包餐湯、餐包及餐飲) 雖然價錢唔算昂貴,但用料依樣用心足秤,龍蝦內有層層蝦膏,味道香濃,而蝦身啖肉,肉質鮮甜,而青醬天使面絲絲細滑,兩種口感完全唔同但異常配合。

dsc_0388
香煎紐西蘭羊扒(HK138套餐,包餐湯、餐包及餐飲) 羊肉首先用香料腌製,加上用露絲瑪莉調配既醬汁,食落去羊味濃,而且佢可以用最低三成烹調,證明肉質質素高,再配上新鮮香脆薯格,價錢CP值極高。

dsc_0407如果覺得主菜既份量唔多夠喉,都可以選擇追加煙三文魚田園沙律(HKD48) ,佢選用既挪威煙三文魚,加上用黑醋汁調製既蕃茄同沙律,感覺非常清新。

dsc_0442
窩夫配雪糕 (HKD42套餐,跟餐飲) 配料十分多,朱古力條,早餐穀物,鮮忌廉,每種配料都令甜品都昇華另一層次,而本身窩夫香脆鬆軟,配上朱古力醬的確淡淡滋味,雪糕既種類都有好多選擇,分別有雲呢拿、芒果同朱古力,小編真心好想一次食曬三種雪糕。

dsc_0424
菠蘿雪椰(HKD35,餐轉只需要加HKD15) 飲落去菠蘿鮮果味滿滿,加上陣陣椰香,透心涼之選。

L’ Place Cafe
地址:深水埗福榮街64號地下
電話:2723 7660
營業時間:11:30am-11pm

You may also like...

Leave a Reply

Your email address will not be published. Required fields are marked *