【天后懷舊鬼馬車仔麵】鬼馬雙星

如果外國朋友黎香港,想體驗香港傳統文化,食物方面當然少不了推介車仔麵啦!車仔麵係香港獨有特色嘅麵食,其特色係食客可以自由選擇麵條、湯汁及配料。小編就發現天后有間好有特色嘅車仔麵,店鋪名都特別過人,命名鬼馬雙星。到底有幾鬼馬就等小編去探究下啦。

dsc_0185

裝潢好卡通化,就猶如去到遊樂園一樣。同普通車仔麵店鋪好唔同嘅,係小店有懷舊燈飾仲有現代化裝潢元素。

dsc_0295 車仔麵食得多,又係第一次見有薯粉麵條可以揀,有蔥、花生、榨菜、香菜調味,令薯粉有更多口味層次感,薯粉口感亦非常彈牙。

dsc_0248

車仔麵當然唔少得各種配料,牛腩係其中一款熱選。小編對牛腩汁味道念念不忘,牛肉肉質好唸,牛味香濃。浸入車仔麵裏成碗麵都有好香濃,味道一流!

 

 

 

 

dsc_0204

 豬腸都係濃味配料佳品,係重口味而又會食内臟嘅朋友必選。豬腸汁香味濃,入口口感又爽又有口勁。

dsc_0234

滷水雞翼(HKD15)炆得好腍而且好有滷水汁味,配上一碗湯麵最適合不過啦!另外仲有泡椒雞翼(HKD15),都幾特別。泡椒味道嗆鼻,食得辣嘅朋友一定會鍾意。食落皮脆肉嫩,小編食完一隻又一隻停唔到口。

dsc_0264

原來小店鬼馬係呢度,除咗車仔麵選擇,小店仲有富有香港特色早餐供應。早餐食完鬼馬菠蘿包(HKD32)人都精神曬,一般蘿包會有芝士、煙火腿,但荷包蛋真係第一次見,小編即刻試咗先。一啖咬落好滿足,香脆嘅面層配搭荷包蛋,蛋汁令人垂涎三尺。菠蘿包好軟身唔會太硬。

鬼馬雙星

地址:天后炮台山蜆殼街9-23號秀明中心地下C2號舖
電話:3704 7064
營業時間:星期一至日: 11:00-22:00

You may also like...

Leave a Reply

Your email address will not be published. Required fields are marked *