【滋味炭燒紐西蘭羊扒】Dream Cafe

“Dream”你會唔會諗起未完成嘅夢想?定係會諗起難忘嘅夢境?位於旺角嘅Dream Cafe雖然自稱cafe,但係當你置身其中就會發覺自己仿如置身夢境!餐廳嘅主理廚師曾經任職高級食府,亦係食物質素嘅信心保證。如果想喺旺角享用優質嘅一餐,不妨嚟到品味一下。OLYMPUS DIGITAL CAMERA

一眼望去已經被吸引,有趣嘅黑板menu會不定時更新新菜式。非常之細心!

OLYMPUS DIGITAL CAMERA

挪威煙三文魚沙律(HKD52) 新鮮嘅沙律菜配上粟米,再混和黑醋、麻醬,清新又鮮甜。厚切煙三文魚砌成一朵花,好睇又好食,比起一般煙三文魚更加厚身,入口嘅時候多咗一分厚實口感。

OLYMPUS DIGITAL CAMERA

黑松露野菌意大利飯(HKD78) 一上檯黑松露嘅香氣瀰漫四周,意大利飯軟腍得嚟仲保留住少少珍珠米彈性,混和野菌口感層次更突出,再加上黑松露香氣,每一口都享受到陣陣菌香。

OLYMPUS DIGITAL CAMERA

炭燒紐西蘭羊扒配薄荷燒汁(HIKD158) 羊扒好多人都會怕羶,但係Dream Cafe特製薄荷燒汁,由薄荷、辣汁、蒜茸製成,醬汁酸甜中帶有少許辣味。醬汁除咗辣辣地幾惹味香辣之外,仲可以顯出羊肉鮮嫩,完全唔會覺得羶。

OLYMPUS DIGITAL CAMERA

金沙心太軟(HKD68)心太軟恰如其分嘅鬆脆,唔會一篤就完全塌陷。切開之後入面嘅金沙朱古力醬慢慢流出,金沙朱古力嘅味道配上雲呢拿雪糕,更覺香甜細膩。小編食完都有啲擔心自己個心都融化埋!

Dream Cafe
地址:旺角砵蘭街215號朗晴坊5樓全層
電話:3582 4225 / 9071 3319 (Whatsapp)
營業時間:星期日至星期四: 12:00-00:00 星期五、六及假期前夕:12:00 -01:00

You may also like...

Leave a Reply

Your email address will not be published. Required fields are marked *