【灣仔鮮香惹味滷肉煲】味苑
古人有云：「天下所有食貨，粵東幾盡有之，粵東所有之食貨，天下未必盡也。」可見粤菜嘅烹調食材涵蓋範圍如此之廣。位於灣仔嘅味苑，追求俾客人有粤菜味覺享受，主打各式廣東粤菜及特色美味點心。以技巧及創意融合菜式中，以味為先，烹調出珍饈佳餚，展現粤菜氣派！
餐館裝潢充滿中國色彩，雅緻又古典！而餐具都係懷舊公雞圖案，可見餐廳十分有心思，且對自己有一定要求。
葡萄冬瓜(HKD58)紅色嘅冬瓜球猶如粒粒葡萄，新穎又有趣。冬瓜球用葡萄汁浸泡過，葡萄味深深滲入每一粒冬瓜球，使冬瓜爽口清甜，作爲涼菜非常開胃。
紫薯炸鮮奶(HKD78)表面炸至金黃色，外脆内軟。内餡紫薯奶十分軟滑，淡淡嘅味道中可以嚐出一絲新意。
咕嚕肉就食得多，蜜桃咕嚕明蝦球(HKD128)還是第一次食。色澤金黃嘅咕嚕明蝦球，裹汁均匀。入口香脆微辣，因加上蜜桃味道略带酸甜，爽口又開胃。
介紹完具有粵菜特色嘅咕嚕明蝦球，係咪即時怦然心動呢？咁甜梅菜滷肉煲(HKD88)實令你垂涎三尺。滷肉食落肥而不膩，又軟糯鮮香，甜梅菜味道鹹甜，湯汁拌飯十分美味。
味苑
地址：灣仔駱克道128號地下
電話：2880 0112
營業時間：星期一至日: 11:00-23:00
