【走進藝術殿堂!品嚐「梵」間美食】Van Gogh Art de Sweets

想同大師名畫拉近距離,除咗可以通過展覽欣賞,依家有另一種唔同嘅體驗。Van Gogh Art de Sweet期間限定店以梵高為主題,將梵高藝術精神灌注入食物包裝,俾大家都可以更接地氣去感受呢份熱情同氛圍。產品唔單止有女士大愛嘅甜品馬卡龍、朱古力,仲有提神神器咖啡同茶,每一款產品都結合咗梵高後印象派藝術作品。

臨近新春佳節,Van Gogh Art de Sweet為配合喜氣洋洋節日,更推出多款限定禮品裝,大家送禮有多一個選擇啦。

甜入心嘅馬卡龍就食得多,鹹味馬卡龍又真係未食過。黃房子馬卡龍禮盒(HKD178) /六粒裝  就可以一次過試曬六種口味嘅馬卡龍。包括鵝肝焦糖蘋果、帕爾馬火腿配甜瓜、香橙鴨胸、䤌松露配皮埃蒙特榛子、雞肉牛肝菌同阿讓特伊三文魚。

品牌另一皇牌產品就係朱古力。特別選用比利時歷史悠久嘅製造商,以傳統配方人手製作,每一款朱古力外形都唔同。梵高巧克力之藏書(HKD480) /15粒裝 小編覺得榛子朱古力最有驚喜,除咗榛子香氣突出外,味道香濃卻甜而不膩。

市面上好少見咁有心思嘅茶葉禮盒,盛開的杏樹茶包木禮盒(HKD2680) 係一個可以循環再用嘅茶包木禮盒,盒上同茶罐巧妙地印上梵高嘅名畫,精緻又特別!飲完茶包後,木禮盒仲可以當首飾盒使用,支持環保。茶葉口味仲係專為亞洲市場而設添。

照亮梵高茶包禮盒(HKD320)口味包括薑橙迷情,伯爵薰衣草園,翠綠秘寶,藍莓之吻四款,每款各5包,共20包。

Van Gogh Art de Sweet期間限定店(至2017年2月28日)
地址:金鐘太古廣場Shop 200F
營業時間:星期一至日10:30 – 20:30

 

You may also like...

Leave a Reply

Your email address will not be published. Required fields are marked *