【少女心爆發!旺角樓上Cafe抓緊小確幸】吃吧 Chiba

在繁華鬧市旺角區內,樓上Cafe係一個遠離繁囂唔錯嘅選擇。今次小編搵到間隱藏係僑建大廈2樓嘅CHIBA ,無論你係想Hea,定係想填肚飽,呢間Cafe都可以滿足到你。

OLYMPUS DIGITAL CAMERA

以「吃吧」命名,想唔諗起食都唔得啦。環境夠曬清靜,可以盡情relax下,食物雖然選擇不多,但都係廚師精選落足心機嫁。一於就帶埋親朋好友一齊吃吧!

OLYMPUS DIGITAL CAMERA

賣相非常之吸睛嘅蘋果木煙薰西班牙豬扒(HKD168),上檯時蘋果木煙慢慢散出,如仙境般夢幻,令人迫不及待想品嘗。採用咗西班牙黑毛豬,豬扒煮到八成熟之後再加蘋果木煙薰,食落肉質更鮮嫩多汁又頗有口感。豬扒底下紫薯蓉都有下心思,幼滑薯蓉內加咗薯粒,有口感之餘令豬扒煮得更嫩滑。

OLYMPUS DIGITAL CAMERA

香煎上級盲槽魚柳(HKD128)油炸過嘅羅勒陣陣清香,加埋炸薯仔絲香脆可口。 金黃色槽魚柳肉質嫩滑,本身怕魚腥味嘅小編,今次竟然食得津津有味。下面嘅紫薯蓉微甜又口感順滑,同魚柳相輔相成產生另一種味道!

OLYMPUS DIGITAL CAMERA

Chiba招牌菜點可以唔試?即叫即焗嘅黑松露煙火腿芝士多士(HKD68)多士焗得脆卜卜,陣陣濃郁黑松露香氣不斷撲鼻而來。中間再夾住半溶嘅芝士,芝士咸香豐富,滿滿芝士分量多到可以拉絲。完全係芝士控必食!

OLYMPUS DIGITAL CAMERA

薰衣草蜜糖梳打(HKD56)主要以薰衣草精露、梳打水、蜜糖調配而成,加入可食用薰衣草花瓣,散發淡淡薰衣草花味。夢幻紫色即刻點燃起小編嘅少女心。

OLYMPUS DIGITAL CAMERA

每位女士都有第二個胃要嚟裝甜品,Dessert Tea Set(HKD198)完全可以一次過滿足曬女士們嘅甜品胃。有Macaron、細葡式蛋撻、雪糕杯、沙律、小漢堡等等,選擇口味多。其中小編對小漢堡包最念念不忘,竹炭漢堡包中間夾住大大塊魚柳,沾埋酸甜沙律醬更開胃。

OLYMPUS DIGITAL CAMERA

對比普通啤酒,女仔更容易接受果味啤酒。Coconut Beer(HKD62)椰子味非常清香,入口即刻感覺到椰汁嘅甘甜,口感如奶油般順滑。果酒美味之外,好特別嘅係椰子殼做杯,趣味十足。其實除咗椰子味果酒,仲有好多其他唔同口味嘅手工啤酒,Happy Hour時間同朋友邊傾解邊飲返杯都唔錯嫁!

 

吃吧 Chiba 
地址:旺角彌敦道566-568號僑建大廈2樓2室
電話:6127 7112
營業時間:星期一至日: 15:00-00:00 星期二: 休息

You may also like...

Leave a Reply

Your email address will not be published. Required fields are marked *