【太子浪漫美食 邂逅迷人海鮮宴】Home Sweet Home

曾經係乳酪甜品店嘅Home Sweet Home,最近喺太子原址原名大轉型,轉為大賣西餐!點解突然間會作出咁大轉變呢?因為餐廳老闆鍾意享受美食,所以除咗甜品之外,都想同大家分享各類型嘅美食!一齊去睇睇啦!

OLYMPUS DIGITAL CAMERA

雖然位於市區,但係餐廳環境舒適,仲播放住純音樂比大家鬆一鬆。好適合情侶、一家人坐低慢慢食。

OLYMPUS DIGITAL CAMERA山楂蘋果茶(HKD38)作為飯前茶,飲一壺酸酸甜甜夠晒開胃。選用新鮮山楂同蘋果,輕淡嘅鮮甜會慢慢散發出嚟,味道屬於輕口味,就算幾怕酸都唔會難入口。

OLYMPUS DIGITAL CAMERA
空運海鮮生蠔套餐(HKD588)
套餐包括澳洲新鮮空運生蠔6隻、紐西蘭藍青口4隻、澳洲小龍蝦1隻、智利原隻帶子2隻、南非鮑魚5隻、韓國灰蜆7隻,仲有兩杯白酒!各樣食材都非常新鮮,特別推介生蠔非常鮮甜,入口出奇順滑,鍾意食海鮮嘅朋友可以試試!

OLYMPUS DIGITAL CAMERA
香檳麻油忌廉汁波士頓龍蝦(HKD148)
大家無睇錯,喺蝦殼邊嘅滿滿都係蟹籽,大量嘅蟹籽加上龍蝦,夠晒鮮味脆口!龍蝦下面嘅薯蓉,用上新鮮薯仔壓碎再加奶油焗,散發住陣陣奶油香味,入口香滑,薯仔迷一定會愛上!

OLYMPUS DIGITAL CAMERA
燒扒之夜晚餐(HKD98)
套餐包括餐湯,主菜有燒美國殼飼豬扒、土耳其風味炸雞、燒原條法蘭克福腸配以黑松露燒汁。食物熱辣辣送到嚟,牛油輕輕喺豬扒上面融化,散發陣陣香味,加上牛油嘅豬扒入口有融化嘅感覺!炸雞外脆內嫩,法蘭克福腸外皮好脆加上黑松露汁,味道香濃惹味!

Home Sweet Home
地址:太子基隆街13號永基樓地舖
電話:2567 9808
營業時間:星期一至日:11:00-02:00

You may also like...

Leave a Reply

Your email address will not be published. Required fields are marked *