【色、香、味俱全! 太子特色鮮味農家菜】禾稈草主題餐廳

如今西餐、韓國菜、日本料理、泰國菜、越南菜,多國美食爆炸式增長,中菜似乎已經唔再係大家聚會食飯首選。最近小編發掘到一間富有中國特色風味嘅主題餐廳,餐廳名都好有中國農園風味嫁,叫做禾稈草。比人一種身處鄉村田園感覺,非常親切。

OLYMPUS DIGITAL CAMERA

餐廳裝潢極具農園特色,主要以木系裝潢,搭配禾稈草元素。

OLYMPUS DIGITAL CAMERA

中式建築嘅牆紙圖案,配合牆上中式燈籠,設計簡約又頗有中國風特色,充滿田園氣息。

OLYMPUS DIGITAL CAMERA

主廚有豐富烹調中菜經驗。禾館鵝(HKD138) 係呢度招牌菜之一,點可以唔試?佢以砂鍋上檯,開蓋香味撲鼻而嚟。廚師以秘製醬料醃鵝,再以文火烹調支竹同鵝肉,支竹完全吸收晒醬料味道,香濃惹味。禾館鵝皮薄肉嫩,肉味香濃,絕對必食。

OLYMPUS DIGITAL CAMERA

砂窩台山黃鱔飯(HKD108/細) 每日新鮮烹調,人手將黃鱔起肉拆絲,相當用心。 每一口都可以食到爽脆鱔肉,味鮮肉美;黄鱔魚油滲入炒飯中,令飯味更香濃豐富。黄鱔營養價值甚高,係秋冬進補好選擇。除咗鮮味食材,配料都好豐富,有紅棗絲、陳皮絲、蛋絲、雲耳、蔥花等配料。正宗又足料,2-3人分享完全無問題!

OLYMPUS DIGITAL CAMERA

漁家小炒皇(HKD88) 係廣東一道相當有意思小菜, 將銀魚仔、菜莆、韭菜花、蝦乾、魷魚鬚、腰果一併用猛火炒,鍋氣同香氣都十足。同白飯或者跟粥配搭簡直一流!腰果增加口感,菜莆鹹香,用料新鮮,口味清淡,色、香、味俱全。

OLYMPUS DIGITAL CAMERA

蜜糖欖角骨(HKD88) 先將欖角香炒再連同蜜糖炒至呈杰身,用以醃製豬肋骨。 每件豬肋骨都掛滿醬汁,味道甜中帶少少鹹,口味特別又濃香惹味。份量頗多,三五知己一齊食最適合不過。

OLYMPUS DIGITAL CAMERA

原盅燉湯(HKD48) 每日燉湯都唔同,但全部都係真材實料。淮山黨參老雞燉湯,燉足3個鐘,精心燉製。雞味非常濃郁,湯十分清甜美味, 内有各種老火湯寶物:淮山、黨參、龍眼、鮮雞等,平時欠缺湯水嘅就要試下啦!每日得20盅左右,售完即止嫁。

禾稈草主題餐廳
地址:太子柏樹街13號地舖
電話:2327 9016
營業時間:星期一至日: 11:00-23:00

You may also like...

Leave a Reply

Your email address will not be published. Required fields are marked *