【中環專業咖啡店 自家揀豆、炒豆、教拉花】Cozy Bean

無論你係無咖啡不歡嘅咖啡狂迷又或者對咖啡豆有深入研究都好,Cozy Bean都會帶俾你無限驚喜。事源兩位店主對咖啡有深入研究,而且十分用心於每一杯咖啡嘅人。雖然店鋪位置唔就腳,座位亦唔算多,但用心嘅餐廳係會吸引唔少回頭客同鍾意慢慢享受美食嘅客人。

OLYMPUS DIGITAL CAMERA

以天藍色爲主色裝潢,令呢間cafe增添唔少氣色,企喺遠處已經望到顯眼招牌。Cozy Bean除咗可以坐室内,室外都有少量座位,好適合鍾意吹吹風嘅朋友。

OLYMPUS DIGITAL CAMERA

店主自購咖啡烘焙機炒咖啡豆,由發掘唔同國家嘅咖啡豆到自家炒豆,更堅持每一次炒豆都會揀豆,細心揀走所有瑕疵豆!佢地咁努力用心就係想帶俾大家一杯高水準,飲完會想再續杯嘅咖啡。

OLYMPUS DIGITAL CAMERA

飲完怕會上癮?唔洗擔心!有專屬Cozy Bean咖啡掛耳包(HKD20)可以買,價錢十分實惠,買5包可以額外送多包。細細包去旅行都可以照樣飲到。

OLYMPUS DIGITAL CAMERA

Cafe Latte(HKD40)採用不同國家咖啡豆手沖,咖啡更加香滑幼滑,香氣四溢。濃密嘅一層泡沫上有出色拉花,原來Cafe會定期舉行關於咖啡嘅Workshop,有興趣學拉花又或者想考返個SCAE歐洲精品咖啡協會嘅咖啡証書就要留意下啦。

OLYMPUS DIGITAL CAMERA

夢幻組合Affogato(HKD58),雲呢拿本身係蔓蘭花科植物,雲呢拿花期十分短,經乾燥發酵後形成濃郁香氣雲呢拿豆莢,再加工製成雲呢拿味雪糕。呢個雪糕仲加埋杏仁果碎,為入口即溶嘅雪糕添加一份口感。另外倒入香純咖啡落雪糕上,可以中和返甜度。

OLYMPUS DIGITAL CAMERA

朱古力香蕉窩夫(HKD65)窩夫外脆内軟,滿滿嘅奶油覆蓋整個窩夫,罪惡感爆燈,但又阻止唔到小編食甜品嘅心。加埋朱古力雪糕,一啖熱騰騰窩夫同一啖涼浸浸雪糕,簡直係完美組合。

Cozy Bean
地址:中環城皇街12號冠南樓地舖
電話:6974 4634
營業時間:星期一至五: 11:00-19:00 星期六及日: 09:00-19:00

You may also like...

Leave a Reply

Your email address will not be published. Required fields are marked *