【在雲上進餐 大玩棉花糖新派菜】L’attitude

以夢幻韓式雪糕及甜品行頭嘅L’attitude進駐西環啦,曾一度風靡少女心嘅「烏雲雪糕」同 「夢幻熱氣球」將再度升溫,餐廳今次融合咗多國特色美食,進一步將餐廳打造為潮流美食與時尚文化結合嘅飲食熱點。


餐廳裝潢令人猶如置身於夢幻世界,配搭雲朵狀吊燈同可愛公仔,小編少女心即時爆錶。另外雲石餐桌同拼色實木座椅,更讓餐廳每個角落都呈現出唔同嘅視覺體驗。

為慶祝新店開幕,餐廳喺菜式上都花盡不少心思,引入來自世界各地特色美食,精心打造多款迎合不同年齡顧客嘅口味菜式,希望每位顧客都可以品嚐到不一樣嘅美食。

一口海膽(HKD58)採用進口新鮮海膽,入口鮮甜味美,再配以獨家調製醬汁,提升咗成個海膽鮮味同層次。一口海膽係每日限定,想食就要趁早啦。

椒鹽軟殼蟹(HKD98)軟殼蟹炸至表面金黃剔透,外脆内軟,再灑上惹味椒鹽,單咁食都夠滋味,再配上三種醬料,牛油果醬、番茄沙沙醬同芝士醬,就有另一種層次上享受啦

大大個足料德州燒烤牛肉漢堡(HKD98)特意由Americano by Texas Burger引入招牌漢堡包,漢堡包特別鬆軟。再夾上自家製漢堡牛肉,入口肉汁鮮嫩四溢,好滿足!配上香脆炸洋蔥圈,層次感十足。

棉花糖又重現,棉花糖鵝肝(HKD58)經火烤後,外層焦脆,而内裏則軟嫩適中,再加上棉花糖包圍,賣相爆Like,仲有雙重鬆軟口感,締造出濃厚獨特滋味。

L’attitude
地址:西環堅尼地城卑路乍街68號Imperial Kennedy地下2號鋪

電話:2887 6319
營業時間:星期日至三: 11:30-22:30 星期四至六: 11:30-23:00

You may also like...

Leave a Reply

Your email address will not be published. Required fields are marked *