【必試榴槤薄餅!灣仔新派泰式滋味】MAZ Thai & BBQ

泰國菜唔一定要去到泰國食先至最正宗,喺灣仔就有間正宗泰國菜餐廳啦。MAZ Thai & BBQ有傳統同創意兼備嘅泰國籍廚師,仲有同樣對飲食質素有要求嘅老闆。呢度一到夜晚就化身小型酒吧,同朋友們一齊飲杯酒食泰菜最適合啦。

OLYMPUS DIGITAL CAMERA

古銅色嘅招牌相當吸睛,復古得嚟又帶出現代感。餐廳橙黃色燈光俾人好溫暖感覺,裝潢都好別緻,有長形吧檯同沙發座位,分別兩種唔同風格。

OLYMPUS DIGITAL CAMERA

即叫即做嘅木瓜沙律(HKD88),有熟蝦、木瓜絲、腰果、辣度仲可以自己選擇,加入指天椒味道更香濃獨特,醬汁甜鹹酸辣樣樣齊,係開胃佳品!

OLYMPUS DIGITAL CAMERA

泰式汁煮新鮮荷蘭藍青口(HKD226)用泰式汁加入白酒煮成嘅青口特別香口,惹味香濃。檸檬葉更帶出藍青口鮮味,入口肉質肥美,味道夠鮮甜!辣辣地回味無窮,驚太辣都可以選擇小辣試下嫁!

OLYMPUS DIGITAL CAMERA

泰式古法炒辣蟹(HKD328) 用泰國黑豆豉、香茅、辣椒加入少量酒炒成嘅醬汁,同肉蟹搭配恰到好處。辣蟹非常入味,啖啖蟹肉都充滿豉椒味,肉質好嫩滑,完全停唔到口。

OLYMPUS DIGITAL CAMERA

D24榴槤薄餅(HKD66)呢份薄餅共有8件,2人共享絕無問題。餅底係用雲吞皮特製,焗完後更香脆,仲非常足料!榴槤蓉鋪滿整塊薄餅,配上檸檬皮碎有另一種味道。陣陣榴槤味撲鼻而來,小編聞到都流曬口水,食落香甜而不膩,榴槤迷必食!

OLYMPUS DIGITAL CAMERA

泰式生蠔(HKD148)食完之後,小編仲沉醉係一口生蠔中,好滿足呀!特製醬汁覆蓋成隻生蠔,細細隻入口順滑又肥美。面層嘅配料係用蒜頭加檸檬皮碎炸至金黃色,同生蠔一齊入口,可以中和返海水味道,味道亦更惹味。

OLYMPUS DIGITAL CAMERA

串燒拼盤(HKD68)有豬肉、牛肉、雞肉各2串,可以一次過滿足大家唔同口味。如果唔食牛肉,仲可以同餐廳提出用其他肉串代替,服務認真貼心。成個拼盤小編最愛牛肉串,肉質唔會太乾身又嫩滑惹味有咬感,沾埋沙爹醬汁甜甜地,香濃美味。

OLYMPUS DIGITAL CAMERA

可能你同小編一樣,疑惑緊泰式生蝦(HKD98) 點解係呢種色?原來餐廳用嘅係用草蝦,味道更鮮甜。好多時食生野都驚唔衛生,呢個你唔洗擔心!餐廳將生蝦剝殼後淨入冰水,令肉質可以更爽口,再用梳打水清洗乾淨,確保乾淨衛生。食之前沾埋泰式生蝦醬就一級棒啦!

MAZ Thai&BBQ
地址:灣仔蘭杜街2號地下E舖
電話:2343 6999 / 2341 0999
營業時間:星期一至日: 11:45-23:00

You may also like...

Leave a Reply

Your email address will not be published. Required fields are marked *