【牛頭角風味小店 創出新派意韓飯卷】Koretaly

韓國餐廳喺香港遍地開花,尤其係近年韓流大行其道,韓式餐廳愈開愈多。最近小編發現連滿布車房嘅牛頭角定業街都有間隱世韓意式組合既「 Koretaly 」,主打韓式飯卷Kimbob,將傳統韓國食物與意大利烹飪融合,帶俾大家意想不到嘅體驗。

OLYMPUS DIGITAL CAMERA大家都應該好奇點解會將韓式食物同意大利菜式融合一體,等小編話你知啦。原來源自餐廳兩位主廚,其中一位有10年意大利菜式烹飪經驗,另一位係韓國人,從事飲食行業多年。將韓意結合係 Koretaly 經營理念,佢地想俾客人唔同體驗,嘗試新味道。

OLYMPUS DIGITAL CAMERA韓式飯卷Kimbap有六款口味:芝士、豬肉生菜、吞拿魚、肉腸、蟹棒及西芹生菜,全部即叫即製。小編迫不及待試個團結飯卷(HKD42),睇下究竟係點團結法。原來內裏有醃蘿蔔、甘筍、肉腸、蛋同菠菜等配料,口感十分豐富,飯卷亦都包到實一實,一啖食落飯卷唔會散曬,真係好團結呀!

OLYMPUS DIGITAL CAMERA意式豬肉醬配韓式年糕(HKD48)意式調料搭配韓式食物夠曬特別,食年糕就怕煮得太軟無口感。呢個年糕出奇煙韌彈牙,醬汁辣中帶甜又好開胃。

OLYMPUS DIGITAL CAMERA小店不定時會製作多款富有特色甜品,Korea Green Tea Panna Cotta(HKD18)同樣結合咗韓國同意大利元素,極濃綠茶融合濃郁牛奶產生另一種清新感覺,口感似足布丁。

OLYMPUS DIGITAL CAMERA

小店除咗有熱食意粉同韓式年糕供應,亦都有售賣韓國同意大利空運過嚟嘅罐頭雜貨,鍾意韓國、意大利菜式嘅你可以隨時將呢種味道帶返屋企!

OLYMPUS DIGITAL CAMERA

店舖其實内有乾坤嫁!原來店舖後場有座位,可以容納20人左右。想喺度開Party都得啦!

Koretaly
地址:牛頭角定裕坊14號地下
電話:3971 0888 / 5281 4949
營業時間:星期一至六:12:00-20:00 星期日或公眾假期休息

You may also like...

Leave a Reply

Your email address will not be published. Required fields are marked *