【秘傳麻辣火鍋湯底!食出正宗重慶味道】二家姐正宗重慶麻辣火鍋

喺香港想食到正宗嘅重慶麻辣火鍋並唔容易,呢間位於佐敦嘅二家姐正宗重慶麻辣火鍋,就可以滿足你對麻辣火鍋最高享受嘅渴望。事源呢間火鍋湯底所選取材料都經過精心挑選由重慶運入,炮製過程亦絕不馬虎,由重慶人兼餐廳師傅「二家姐」親手調製。想過下麻辣癮就不妨去試試啦。

餐廳裝潢古色古香,由吊燈設計同牆上圖畫,都可見餐廳負責人有花心思,想讓客人有如置身重慶餐館用餐。

對於湯底要求十分著重,對食材亦非常高要求嘅二家姐,特別用七、八個鐘炮製麻辣湯底,且無添加劑及味精。仲可以自由揀麻辣度,大麻、中麻、小麻、大辣、中辣、小辣,任君選擇,力求為大家呈上一個正宗又健康嘅湯底。小編特登試咗啖,麻辣香味十分濃郁,感覺先辣後麻,有陣陣花椒香味,但又唔會辣到令人難以接受。

No.1鵝血(HKD68)比鴨血更嫩滑,滑身到入口「雪」一下就落肚,加上麻辣湯底,味道滲入更爲滋味。

花雕豬腦(HKD58)可以話係食重慶麻辣火鍋必備食材,同埋食豬腦對治頭痛頭暈有幫助。充分吸收咗湯底嘅麻辣味,比香油浸泡過嘅豬腦顯得更晶瑩飽滿,口感細滑,入口即溶。記住要控制煮嘅時間,味道先至更滋味。

安格斯牛頸脊(HKD218)手切牛肉油花分佈均勻密集,入鍋淥一下就變色。牛肉肉質細嫩軟腍,蘸上餐廳特製醬汁,充分享受到牛肉鮮味。

第一次食呢種黃金皮蛋(HKD48),皮蛋嘅香加上麻辣汁,香辣味道真係會令唔食辣嘅你都會忍唔住試一塊。

二家姐正宗原味麻辣火鍋
地址:佐敦文英街16號地下
電話: 6644 1666
營業時間:星期一至日: 18:00-03:00

You may also like...

Leave a Reply

Your email address will not be published. Required fields are marked *