【食煙、飲酒、講粗口禁入!旺角乖乖仔女樓上cafe】AnyMomentCafé

旺角出名樓上Cafe多,呢間同樣開喺樓上嘅Cafe,係由三個天主教徒好朋友為實現夢想而開業。Cafe最特別之處就係嚟到唔比食煙、飲酒、講粗口,希望帶俾顧客嘅除咗美食之外,仲可以係一個無咩紛擾之下,同朋友分享甜、酸、苦、辣,共聚暢談嘅地方。

裝潢想帶出一種窩心嘅感覺,令客人好似置身喺自己屋企一樣,同朋友嘆返個歡樂時光,好舒適。

嚟到食套餐,個個大大份但係價錢好親民,每款菜都可以揀配意粉或者螺絲粉,跟餐仲有咖啡或者奶茶。忌廉海鮮意粉(HKD96)海鮮配料多樣,味道香濃且意粉好有咬勁,撈埋白汁後味道更豐富。

餐廳所有醬汁都由餐廳老闆親自調製,秘製龍利柳意粉(HKD98)龍利柳炸得香脆可口,配上特別調製醬汁同意粉混合,入口好creamy。小編一啖接一啖停唔到口。

除咗意粉都可以食返個螺絲粉,拿破倫肉醬煙鴨胸螺絲粉(HKD96)鴨胸有數件,入口香濃惹味,配上肉醬螺絲粉感覺新鮮,唔會好似意粉咁腍,整體味道唔錯。

如果你淨係同朋友搵個地方傾下偈,呢度都係唔錯嘅選擇,餐廳飲品選擇多,佛羅倫斯星夜(HKD50)係曲奇混合朱古力,味道清新可口。呢度仲有好多款board game玩嫁!


AnyMomentCafé

地址:旺角登打士街36號恆威商業中心9樓全層
電話:3188 4487
營業時間:星期一至日:15:00-00:00

You may also like...

Leave a Reply

Your email address will not be published. Required fields are marked *