【1間餐廳3種感覺 閃耀特色多國菜】Shine

依家做乜都要型過人,食餐飯當然都唔可以求其啦。位於尖沙咀嘅新派西餐廳SHINE,舖面嘅擺設十足十集合Disco裝置,夠曬「潮」氣型格。裝潢分成三大區域:談情高雅沙發雅座,高枱高櫈帥氣角落同埋另類偌大長形吧枱空間。坐得舒服之餘,更隱含多處「打卡」靚位,鍾意影相嘅朋友們值得去朝聖下啦。

牆上同坐凳都備有神秘光管同剪影圖案,晚飯期間,更可能遇到特別打碟環節。驚喜處處,食得開心又有fun。

近年好流行慢煮,咁樣唔單止可以保留肉汁亦保存到食物營養,慢煮啤酒浸豬架配牛油雜菜(HKD328)豬架扒好厚身,入口唔會韌,仲有驚喜。因為用咗慢煮方式烹調,所以內裡豬肉帶有少少粉紅色,慢煮後上面有啤酒泡泡,更增添味道層次感。

燒澳洲M5和牛薄切(HKD168)M4和牛口感嫩滑,油花部分豐厚,再用上黑醋做成汁,酸酸地好開胃,最適合作為前菜。再放有火箭菜同芝士,就唔會咁DRY啦。

甜品都好精緻,玫瑰蘋果金寳(HKD78)將青蘋果整成玫瑰花型好吸睛,餅底好脆,入口濃濃肉桂味即刻散出,再加上雲尼拿雪糕,冷熱交織更滋味。成個甜品就好似一件藝術品,小編都唔捨得食呀!

Shine
地址:尖沙咀北京道12A號太子集團中心6樓
電話:5328 8480
營業時間:星期一至日: 12:00-23:00

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *