【五月?法國囉!香檳亞丁區嘢你食過未?】萬麗海景酒店 Renaissance Harbour View Hotel

話咁快又到五月,對吃貨嚟講最關心嘅莫過於法國五月美食節啦!呢個美食盛事不知不覺間已經舉辦咗第七年,小編得知萬麗海景酒店都係法國五月美食節合作伙伴,即刻迫不及待前來品嚐佢地特意呈獻嘅一系列法國香檳亞丁區特色美酒佳餚。一於睇小編推薦啦,去到即刻知道食咩好。

提起香檳就會好自然聯想到慶祝,除咗因爲開香檳時發出嘅聲音夠歡騰,仲因爲香檳散發出嘅芳醇有魅力。萬麗海景酒店今次以香檳作為本年度主題,想飲返杯法國獨特釀製香檳,咁呢度就完全可以滿足你啦。

來自法國東北部嘅PORK HAMPATE CROUTE都係必試開胃菜之一,漢斯火腿肉香四溢,油脂分佈均勻,入口帶有獨特煙熏,口感鮮嫩。再試埋餡餅更加滿足啦,餡餅皮脂部分更Q彈,配上香脆酥皮口感軟脆層次分明。

Potée係法國而得名嘅食物之一,將豬肉、香腸、蔬菜同馬鈴薯一併燉煮,慢煮至所有食材味道成分完全吸收。感覺好似大雜燴火鍋,雖然取材簡單,但強調原汁原味。小編當然要盛一碗試下,先飲啖湯,各種蔬菜及肉類融合嘅鮮味喺口中散出。

法國甜品多不勝數,鍾意食甜品嘅你,今次有口福啦!漢斯粉紅玫瑰餅乾,口感頗似馬卡龍,外層鬆脆,細嚼有陣陣玫瑰香味,搭配香檳就更添浪漫。

法國甜品另一代表——Quiche Lorraine,內餡包含蛋、奶、蔬菜、火腿等溫烤焙而成,非常香醇濃郁。法國人食鹹派鍾意搭配香檳,輕輕鬆鬆就可以醫飽肚。小編都跟住一啖鹹派一啖香檳,簡直係味蕾享受。

法國大餐品嚐完,一於試下呢度招牌菜。烤帶骨肉眼扒經燒烤後滲出濃濃炭香,灑上調味料後份外鮮味。令人開懷大嚼!

食自助餐有龍蝦唔出奇,不過小編都係頭一次喺自助餐中食到咁大隻蒸焗鮮龍蝦。龍蝦鉗長度竟然同小編手掌一樣,入口肉質扎實有彈性又非常鮮甜,真係啖啖肉,食多幾隻都唔厭。

海鮮又點會得龍蝦有亮點,仲有澳洲生蠔、青口、翡翠螺、蟹、熟蝦選擇,連同差唔多十款醬料配搭,海鮮區真係好搶手,去得快補充都好快,源源不絕奉上。

法式自助晚餐盛宴於2017年5月1日至31日,晚上6時30分至10時供應
星期日至四成人HKD578,小童HKD368
星期六、日及公眾假期HKD 598,小童HKD388
包括無限添飲果汁及汽水。客人只需加HKD175 即可品嚐一杯 Deutz, Brut Classic香檳或加HKD 870共享一瓶。

萬麗咖啡室
地址:灣仔港灣道1號香港萬麗海景酒店閣樓
電話:2584 6973 / 2802 8888
營業時間:星期一至日: 06:30-00:30

You may also like...

Leave a Reply

Your email address will not be published. Required fields are marked *