【唔補身體點會好 OT捱夜4大回氣水果】懶健康貼士

啲人話食玩瞓係人生樂事,咁捱完夜你會揀邊樣嘢做呢?嗱,唔好俾小編睇死你揀瞓到死豬咁呀,其實真係要食啲嘢俾身體補補㗎!清清地,食水果開下胃,又可以幫你修復身體所需。下面4款水果就可以幫你快喲回氣,再戰江湖喇!

1. 葡萄——葡萄糖含量高達10%-30%,可以瞬間補充體力;同時仲有多種維生素及人體所需嘅氨基酸,對保護肝臟特別有效。而葡萄中含有大量果酸,有助於消化,所以適當食用葡萄可以健脾和胃。

2. 蘋果——蘋果酸可以對抗捱夜引致嘅皮膚粗糙,令皮膚柔潤嫩滑。另外,蘋果中所含嘅果膠、維化命C同纖維素對於降低膽固醇都有好好嘅功效。

3. 香蕉——唔夠瞓真係好易老,香蕉含有嘅多酚能夠去除活性氧,防止細胞老化。

 4. 橙——特有嘅纖維素、果膠等營養物質可以幫助清腸胃,係預防便秘好幫手;同時亦可以增加血管彈性,降低膽固醇,另外,對得電腦多會增加色素顆粒形成,維化命C可以幫助保持靚白膚色。

懶健康貼士:整個水果沙律盤,順便當減肥。

 

資料來源:健康之途,早安健康

You may also like...

Leave a Reply

Your email address will not be published. Required fields are marked *