【週年限定新飲7月登場咖啡×維他奶首度合作】Pacific Coffee

by 為食加菲貓 · 2017-07-05

Pacific Coffee為慶祝7月踏入25歲生日，由7月12日至7月26日起陸續推出限定食品同飲品，配合炎炎夏日好清爽㗎。

主食照燒雞肉黑豆及芋頭冷麵沙律(HKD42)配咗黑豆奶沙律醬，甜品就有黑豆奶凍配藜麥奇亞籽(HKD30)同維他奶豆奶芒果撻(HKD28) ，呢幾款味道清甜，啱晒夏天食啦！

呢三款飲品會喺7月12日起一齊推出——凍維他奶豆奶咖啡、凍維他奶麥精豆奶咖啡同維他奶麥精豆奶朱古力咖啡其樂冰(標準裝HKD42/大杯裝HKD46/特大裝HKD50)，分別配咗滑滑豆腐花同有咬口嘅黑糖啫喱，兩種口感滿足你唔同要求。

今次同維他奶合作仲推出極具收藏及紀念價值嘅限量版珍藏玻璃杯，特厚隔熱保溫玻璃裝冷飲熱飲都無問題。透明玻璃杯用凸字設計，一邊印上Vitasoy維他奶嘅經典Logo，另一邊就印咗Pacific Coffee “Just a thought! / We’re 25” 嘅週年紀念字樣。

換購方法分會員同非會員兩種：

Perfect Cup卡會員：以優惠套裝價 HKD50 (原價HKD71) 購買任何一款Pacific Coffee X 維他奶推廣飲品大杯裝一杯及玻璃杯一隻(優惠期由2017年7月12日起，玻璃杯換完即止)。

非會員：購買任何一款Pacific Coffee X 維他奶推廣飲品大杯裝一杯，可加 HKD25換購玻璃杯一隻。

供應期由2017年7月12日至2017年9月19日。

【週年限定新飲7月登場 咖啡×維他奶首度合作】Pacific Coffee