【唱定爆多1蚊 Mark實美食展激抵推介】2017美食博覽

美食博覽又嚟喇,今年8月17至21日喺香港會議展覽中心舉行,今年有25個國家同地區、接近1,500個參展商。美食博覽分為「公眾館」、「尊貴美食區」同「貿易館」三部份,依家先帶大家睇下今年嘅1蚊推介吖!

 安記海味 / 攤位:1C-B10 / HKD1迎「鮑」接「福」 / 名額:首曰頭10位場外排隊購票進場人仕

鮑魚真係無人唔想食,不過要早起去排隊,佢地當日喺會場外排隊進場處派發福袋証核實參賽者,10位參加者會分成5人一隊合作贏取獎品。其中一位參賽者走入巨型福袋裡面,向外拋出裝著鮑魚模型嘅小福袋,另一參賽者喺巨型福袋外面用指定福袋接小福袋,喺限定時間內接到嘅小福袋數量,就可以有等量嘅真鮑魚福袋攞走喇,每個價值HKD480㗎!重要嘅事講3次,切記切記切記場外排隊嗰度派發福袋証呀!

醉榴香 / 攤位:1D-C02 / HKD1換一世免費食貓山皇榴槤冰皮月餅 / 名額:首曰頭3位

視月餅如命嘅你一定要參加,貓山皇榴槤冰皮月餅一盒正價係HKD808,如果每年免費攞一盒,以三十年計總值HKD24,240呀!只要喺「水晶月餅箱」限時20秒內剷到10個或以上榴槤水晶皮月餅;而同時剷得箱內最多水晶鑽石,仲可以獲得奧地利名貴水晶(價值HKD3, 700)。

一斤果醋 / 攤位:1B-D12 / HKD1金輪大運轉 1+6 擁抱健康贏巨獎 / 名額:首日10個名額(持票人先到先得)

HKD1去旅行夠唔夠吸引?遊戲好簡單,首先以最快速度砌出一斤果醋升級版特點決定轉動金輪先後次序,之後轉動金輪決定「擁抱健康(一斤果醋600mL)」嘅身體部位,再按擁抱到嘅果醋數量決定健康積分及遊戲排名決定攞到下列邊樣獎品喇:

(1 獎) 旅遊禮券HKD3,000及台灣清新果園體驗入場券2 張 (價值HKD3,500 | 1 名)
(2 獎) Panasonic慢磨養生機1份 (價值HKD2,500 | 1 名)
(3 獎) Fitbit健康運動手帶1份 (價值HKD1,000 | 1 名)
1-3 獎得獎者額外獲得一斤果醋6倍濃縮皇牌體驗套獎1 份 (價值HK$196)
(特別獎)一斤果醋6倍濃縮3個月體驗套裝(連手拉車)1 份 (價值HK$889 | 7 名)

御燕軒 / 攤位:1A-E20 / HKD1即燉純淨燕窩1片 名額:每日首10個名額(持票人仕先到先得)

男士想滋潤下另一半,可以排HKD1換購即燉純淨燕窩1片,注意以往都多人搶呢個產品㗎!

Q嘜 / 攤位:1A-B16 / 「1蚊雞」福利嚮頭炮  名額:首曰持票人先到先得

當日10:30開始先開賣,可以HKD1下列產品,提提你換晒就無,廚具都係大熱產品,不過想換平底鑊嘅朋友穩陣啲就要做頭 5名喇:

(1) Kinox建樂士不銹鋼平底鑊 (名額共5個)
(2) 雙喜牌百花蜜 (名額共30個)
(3) Clip Fresh密實保鮮盒 (名額共30個)

榮華香港 / 攤位:1C-B02 / 「1蚊1手」迷你冰皮月餅任您拎走 / 名額:首3日頭20個名額

HKD1參賽好抵玩,每人一次機會,一手可以攞到幾多迷你月餅就屬於你。小編實測過可以攞到10個,已經價值HKD170,成績都唔錯吖!

陳記點心 / 攤位:1A-C17 / HKD1購買100粒魚蓉燒賣或22粒粉果 / 名額:每日首10個名額

展覽首3曰可以HKD1購買100粒魚蓉燒賣,而尾嗰兩日就可以HKD1購買22粒粉果。計計吓如果去兩次,咁用HKD2可以買到半個月早餐喎。

 

美食博覽2017
展覽日期:2017年8月17至21日(星期四至星期一)
展出地點:香港灣仔港灣道1號香港會議展覽中心
開放時間:8月17至20日 上午10:00至晚上10:00 ; 8月21日 上午10:00至下午6:00
票價:
「美食博覽公眾館」、「美食博覽尊貴美食區」、「家電‧家品‧博覽」及「美與健生活博覽」套票:40港元
「美食博覽公眾館」、「家電‧家品‧博覽」及「美與健生活博覽」:25港元
「美食博覽公眾館」、「家電‧家品‧博覽2015」及「美與健生活博覽」晚間進場票(8月17至20日18:00後進場):10港元,另可追加票價HKD15參觀即晚的「尊貴美食區」

You may also like...

Leave a Reply

Your email address will not be published. Required fields are marked *