【食完即刻回春? 解構Superfood神效】懶健康貼士

Superfood又名「超級食物」,牛津字典正統嘅解釋係指營養價值非常豐富,可視為對健康有特殊效益嘅食物。

至於民間就有說法話Superfood有效幫助減低患病機率,雖然喺醫學上唔會話食邊種食物可以預防疾病,不過營養愈高一定對人體愈有益。點都好,知道咩食物營養價值高,食得精明先醒囉。以下精選5種Superfood俾你,睇啱就食喇!

來自巴西嘅阿薩伊果係蔬果抗氧化功能中高據No.1位置,因為對延緩衰老同維持青春活力能力高,被尊稱為「生命之果」。

藍莓含有大量花青素、維他命C、E、A和維他命B群等抗氧化劑,也含有可增強免疫力效果。

鷹嘴豆嘅異黃酮能夠延緩細胞衰老,可以令皮膚保持彈性、養顏、減少骨質流失、降血脂同減輕女性更年期綜合症狀。鷹嘴豆粉加上奶粉製成豆乳粉,會容易啲消化同吸收,係嬰兒同老年人嘅營養食品。

一杯羽衣甘藍蔬菜汁可提供逾200%嘅類胡蘿蔔素,佢嘅葉黃素同玉米黃素仲可以減低罹患老年性黃斑部病變同白內障嘅風險。

奇亞籽含有豐富可溶性與非可溶性纖維質、植物性Omega-3、抗氧化物質同植物性蛋白質。而當中嘅油脂大部係有益身體嘅不飽和脂肪酸,可以降低膽固醇,減低罹患心血管疾病風險。

You may also like...

Leave a Reply

Your email address will not be published. Required fields are marked *