【陽澄湖大閘蟹禁供港 霸氣鼎爺爆粗:理佢把X吖!】食焦

堅持自己調味輕重,理得你覺得太鹹定太淡,鼎爺話唔會為食客同網友嘅負皮而改變喎!(前文:【唔怕私房菜有負皮 鼎爺:一啲話鹹一啲又話淡】) 咁講到價錢問題,鼎爺話一樣唔會變(暫時啫!):「價錢唔變喇,都係888,1288同1888!」依家呢三個menu,賣點係鼎爺嘅真功夫同材料,拿手好菜就有鼎爺乞兒雞,生炒骨同荷葉飯,而VIP房收HKD1888就有得直擊鼎爺喺廚房煮埋俾你睇,大家認為值唔值呢又?

鼎爺私房菜fb專頁圖片

私房菜依家仲係試業階段,要到十月中先正式開業。既然講到不時不食係賣點,更要原汁原味,咁menu會唔會因應唔同時節而變化吓呢 ? 好似食大閘蟹嘅時候好快嚟,唔知鼎爺會唔會喺menu度加返啲新口味轉吓個menu?鼎爺就話 :「依家未知,我要同我個partner商量吓,睇吓個menu要點樣轉先得!」

最平menu (鼎爺私房菜fb專頁圖片)

最貴menu (鼎爺私房菜fb專頁圖片)

 

 

 

 

 

 

 

 

 

 

 

 

 

 

 

 

大閘蟹殺到嚟,不過最近就有報道指今年太湖同陽澄湖嘅大閘蟹禁供港,咁如果嚟緊私房菜有大閘蟹menu, 鼎爺會搵乜靚蟹入貨呢 ? 霸氣鼎爺就爆粗話:「乜話?禁供港? 綽頭嚟啫!理佢把X吖! 」嘩,鼎爺似乎真係乜都未驚過咁款喎!大閘蟹未有得食,鼎爺先整咗味花雕雞油花蟹陳村粉,仲將個拆蟹過程拍片放咗上網俾大家睇,呢次唔使俾HKD1888都睇到囉!

鼎爺拆蟹 (鼎爺私房菜fb專頁影片截圖)

老三陽fb專頁圖片

You may also like...

Leave a Reply

Your email address will not be published. Required fields are marked *