【飲食好幫手 6大甩頭髮救星推介】懶健康貼士

係人都想有把靚靚秀髮,有邊個想甩頭髮啫?脫髮原因有好多,心理生理因素都會影響到,而電染過的頭髮最易受損,想改善甩頭髮情況最緊要係頭皮有足夠營養。以下推介六款食物俾大家,快啲滋養返頭皮啦!

缺乏維他命A、B常見症狀會出現頭髮脫落、頭皮屑同頭髮脆弱問題,而杏仁、胡蘿蔔、菠菜同芒果都係瓜果蔬菜中比較多維他命A;麥芽就多維他命B。

杏仁嘅纖維可以阻止身體吸收來自脂肪嘅卡路里,對想瘦身人仕嚟講,食咗仲有飽肚感添。

胡蘿蔔素有治療夜盲症,保護呼吸道等功效。

有「蔬菜之王」之稱嘅菠菜,含有大量葉酸,加速新陳代謝排走有害物質同半胱胺酸,預防心血管疾病;維他命K可以調節體內鈣質嘅消耗,預防骨質疏鬆。

芒果含有豐富類胡蘿蔔素,會幫助抗氧化,延緩身體衰老。

麥芽可以幫助消化,對食欲不振同止嘔吐泄瀉都有療效。

蛋白質係頭髮嘅助長劑,黑豆叫得做「豆中之王」就係營養高!有大量優質蛋白,又低熱量,對美白肌膚都有幫助㗎。

You may also like...

Leave a Reply

Your email address will not be published. Required fields are marked *