【真假Greek Yogurt點樣分? 睇吓唔同牌子邊個呃你】懶健康貼士

乳酪(Yogurt)一直係女士大愛食品,因為大家都認為佢夠健康,低脂又對腸道好,唔少人減肥都會食佢添。咁對近年流行嘅希臘乳酪(Greek Yogurt)你又了解幾多呢?同希臘式乳酪(Greek Style Yogurt)又有咩分別呢?依家就帶大家了解吓啦!

乳酪係喺牛奶中添加乳酸菌,再發酵製成,容易消化又係有益嘅高鈣食品。當中嘅益生菌被人體吸收之後,可以幫助排出腸道垃圾嚟排毒。而為咗令「低脂低卡」嘅普通乳酪更好味,大部分乳酪會添加糖或香精,甚至食用色素,所以買嘅時候要睇清楚營養呀!俾個概念大家,飲一罐330ml可樂就已經攝取35g糖(每100ml/10.6g糖分),分分鐘連食幾杯乳酪已經等於飲咗罐可樂。

資料來源:可口可樂裝站(更新至10/08/2017)

普通乳酪vs希臘式乳酪vs希臘乳酪有咩分別?

  • 普通乳酪多數用低脂牛奶製成,有啲會用「基因改造」牛奶或加水,比較流質,鈣含量相對最低。
  • 希臘式乳酪通常用低脂牛奶,再加入其他牛奶元素、澱粉質或糖,模仿希臘乳酪好濃嘅質地。澱粉質同糖含量相對較高,而且冇益生菌。
  • 優質嘅希臘乳酪會用真正牛奶,蛋白質同鈣質含量相對最高,鈉含量最低。質地最杰身,飽肚感最強。

睇名要睇真啲,”style”或「希臘式」字眼未必喺包裝正面寫,有時會隱藏喺包裝背後。我哋抽咗幾款一般超過市場常見嘅乳酪,同大家一齊睇真啲:

(下列產品名跟價錢牌顯示)

Emmi 特級特純乳酪(Yogurt Plain)

Emmi 特級希臘零脂乳酪(Greek Style Yogurt – Natural)

Emmi特級特純乳酪(Yogurt Plain)特級希臘零脂乳酪(Greek Style Yogurt – Natural)係後者勝出!相對之下,後者嘅蛋白質(Protein)比前者double,高達每100g有10g;但鈉(Sodium)就高少少;糖(Sugars)大家差唔多。特級希臘零脂乳酪仲係零脂肪同膽固醇(Cholesterol)。

雀巢Dairy Farm純乳酪甜味(Sweetened Natural Yogurt)

雀巢希臘蘋果肉桂乳酪(Greek Low Fat Yogurt – Apple Cinnamon)

雀巢希臘式乳酪(Greek Style Yogurt)

雀巢最多款式,我哋揀咗其中三款比較下:

純乳酪甜味(Dairy Farm Sweetened Natural Yogurt):成份以水為主,無真正牛奶成分。標明高鈣(Calcium)低脂嘅佢真係三款中最高鈣同最低脂。

希臘蘋果肉桂乳酪(Greek Low Fat Yogurt – Apple Cinnamon):包裝正面隱瞞”Style”字眼,佢嘅「低脂」只係比純乳酪甜味高少少,但係糖分係三款中嘅冠軍囉……食多幾杯的話,分分鐘糖攝影取量多過大樽裝可樂。

希臘式乳酪(Greek Style Yogurt):最呃人係呢款!雖然價錢牌有寫明,但包裝正面隱瞞”Style”字眼。蛋白質含量最低,每100g只有3.3g;最高脂肪量之餘,仲有反式脂肪;糖分就係三款中最低。

呢三款小編表示揀唔落手邊款做冠軍,因為三款蛋白質含量都低。如果以肥唔肥做標準,一係就低脂高糖,一係就高糖低脂……

FAGE脫脂士多啤梨希臘乳酪(Total 0% Fat Greek Yogurt with Strawberry)

FAGE網站圖片 – 原味乳酪(Total Natural Greek Yogurt)

當其他品牌大大聲話自己係希臘乳酪嘅時候,FAGE反而細細隻字印喺包裝上,小編差啲睇漏眼。佢嘅脫脂士多啤梨希臘乳酪(Total 0% Fat Greek Yogurt with Strawberry)原味乳酪(Total Natural Greek Yogurt),後者會比較好。雖然脫脂士多啤梨希臘乳酪零脂肪,但係佢糖份高三倍,加上蛋白質含量輸少少,所以原味乳酪贏個馬鼻。

M&S脫脂希臘乳酪(0%Fat Greek Style Yogurt)

M&S希臘式乳酪雪糕(Greek Style Frozen Yogurt)

M&S最近新出嘅希臘式乳酪雪糕(Greek Style Frozen Yogurt)都吸引咗唔少人,乳酪雪糕即係質地似雪糕嘅乳酪,有啲人話佢係低脂啲嘅雪糕。咁同應該最健康嘅^脫脂希臘乳酪(0%Fat Greek Style Yogurt)邊個好啲呢?答案係脫脂希臘乳酪勝出嘅!因為佢嘅蛋白質多啲,糖分同脂肪都低啲,係鈉高少少啫,大家識揀啦!提提大家,希臘式乳酪雪糕每100g有24.2g糖,可樂每100ml有10.6g糖,大家明啦。

^脫脂希臘乳酪中文名有啲誤導,應該係脫脂希臘式乳酪。

 

以呢幾款大路品牌嚟計,小編會揀Emmi 嘅特級希臘零脂乳酪(Greek Style Yogurt – Natural)同埋FAGE嘅原味乳酪(Total Natural Greek Yogurt),其次係M&S嘅脫脂希臘乳酪(0%Fat Greek Style Yogurt)。兩者嘅蛋白質都係最高又低糖分,而且佢哋嘅包裝上冇誤導大家。而最失望嘅係雀巢希臘式乳酪(Greek Style Yogurt),蛋白質含量仲低過一般乳酪,包裝上嘅”style”字眼亦好唔顯眼。

所以大家想買到貨真價實嘅希臘乳酪要留意:

  • 產品真正嘅名:”style”或「希臘式」字眼有冇隱藏喺包裝背後
  • 營養標籤:高蛋白質(Protein)同低糖分(Sugar)
  • 製造成分:用真正牛奶定係水

 

攝影:為食加菲貓

You may also like...

Leave a Reply

Your email address will not be published. Required fields are marked *