【勁擦聖誕海鮮自助餐 仲有聖誕老人派禮物】1+1吧

1+1吧一年一度嘅聖誕餐嚟喇,即係又可以俾個藉口自己食餐勁囉!帝都酒店1+1吧今年喺平安夜同聖誕節呢兩日會推出聖誕龍蝦海鮮燒烤自助晚餐(成人/HKD528;小童 /HKD298)。自助餐有多款惹味海鮮燒物,仲有任食生蠔同埋甜品,啱晒一家大細啦!

聖誕節點可以唔食火雞呢?佢哋嘅聖誕燒火雞伴紅莓汁就夠晒惹味,用咗粗鹽、胡椒、蒜蓉、菠蘿同秘製醬汁等醃製,之後再釀入雞肝、栗子同香草,用慢火烤到金黃香脆,肉質夠晒嫩滑,食落夠晒juicy,配埋酸甜可口嘅紅莓汁,冇得彈呀!

 

仲有呢個惹味海鮮燒物,有多款矜貴海鮮,包括美國太平洋生蠔、虎蝦、扇貝同青口,由專人即場燒製,簡單烤熟唔加任何調味,件件鮮味,睇見都流晒口水呀!

另外,小編勁推介呢個燒波士頓龍蝦伴鵝肝醬(每位半隻)。主廚精心挑選咗啖啖都厚肉地嘅波士頓龍蝦,塗上用匈牙利鵝肝特製嘅自家鵝肝醬再一齊烤焗,味道一流,好豪華呀!

食完鹹嘢就輪到甜品啦!聖誕樹頭蛋糕外面鋪上光滑嘅朱古力鏡面,入面用咗鬆軟嘅朱古力海綿蛋糕,仲有埋濃度達72%嘅特製朱古力醬夾心,食落一啲都唔膩,加埋像真嘅樹幹造形同精緻聖誕裝飾,好有聖誕氣氛喎。除咗樹頭蛋糕,聖誕泡芙塔伴脆糖生果賣相都一樣咁吸引呀!

唔單止有嘢食,酒店仲悉心安排咗一連串嘅驚喜活動:平安夜同聖誕節會有聖誕老人穿梭喺餐廳大派禮物同獻上祝福;另外,平安夜、聖誕節同禮物日仲有小丑表演,有得食又有表演睇,呢個聖誕過得豐富啦!

1+1
地址:香港沙田白鶴汀街八號帝都酒店大堂
電話:2694 3869
營業時間:星期日至四及公眾假期:12:00-01:00;星期五、六及公眾假期前夕:12:00-02:00
聖誕餐
供應時間:聖誕龍蝦海鮮燒烤自助晚餐於12月24日、25日18:30-21:30

You may also like...

Leave a Reply

Your email address will not be published. Required fields are marked *