【瘋狂拉絲火焰Show 全港芝士迷攻陷將軍澳】 say cheese

將軍澳愈嚟愈多小家庭居民,充滿歡樂溫暖形象嘅say cheese,係一間用意大利芝士攻城嘅西餐,除咗有得食,價錢仲好相宜,最緊要係分量夠,地方又闊落,同屋企人或者朋友聚會都唔驚唔夠飽!經過出餐位仲可以見到預熱上菜嘅芝士,非常吸引!

一入門口見到咁Sharp嘅黃色,好醒神啊!

用40公斤帕爾瑪芝士燒住嚟炒嘅火焰卡邦尼意粉(HKD98),喺出餐嘅位置上演火焰表演,好精彩㗎!炒出嚟每啖意粉都同芝士完美融合,非常香濃嘅芝士味!

用墨魚汁炒嘅鮮魷魚墨魚汁意粉(HKD98),加多HKD20仲可以有雙重芝士添啊!食完棚牙黑「黑忟忟」,一家人嚟到,小朋友一定食同玩都一樣開心,仲有新鮮爽口嘅鮮魷魚,大大份勁抵食。

朋友聚餐一定啱食嘅雜錦小食拼盤(HKD118),有齊芝士粒、魷魚、雞翼同薯條,分量都唔少㗎,小編仲以為新出咗細塊薯餅,原來係炸芝士,食落外脆內軟,絕對抵食!

見到門口咁多款Mövenpick嘅雪糕已經好心動嘅小編,揀咗呢款野莓狂想曲蜜糖多士磚配Mövenpick士多啤梨雪糕(HKD78),用Cream cheese將多士磚堆疊成一座小山,一啖一件脆卜卜嘅多士,再食啖香滑又唔膩嘅雪糕,勁歎!

say cheese
地址:將軍澳唐德街9號將軍澳中心 1樓173號舖
電話:2343 0868
營業時間︰星期一至日 11:30-22:30

您也許也會喜歡…

發表迴響

你的電子郵件位址並不會被公開。 必要欄位標記為 *