【負卡路里食物幫助瘦身? 長期食會肌肉流失】懶健康貼士

負卡路里食物梗係唔係指食物冇卡路里啦,其實係講緊一啲食物本身勁低卡路里,身體要用更多能量去消化,變相冇咩吸收卡路里。不過暫時都冇實質根據證明呢個方法可行或持久有效,因為用於消化食物所需嘅能量唔會好高,而唔同體質嘅人都有唔同效果。

加上負卡路里食物一般都係蔬果或穀物類,好多人以為呢個方法減肥幾健康,但長期食用會令身體缺乏某啲物質導致營養失衡,例如蛋白質、鐵質、鈣質,亦會引致肌肉流失。所以間唔中食幾餐調劑吓清腸胃冇問題,長期食就唔建議喇。一齊認識吓有咩勁低卡路里食物啦:

青瓜(16 kcal/100grams)最好連皮食,因為有豐富嘅食物纖維。

生菜 (15 kcal/100 grams)清熱爽神仲降低膽固醇,但尿頻同胃寒嘅人唔適宜食太多。

西芹(16 kcal/100 grams)有75%係水份,另外25%係食物纖維,保持長時間嘅飽肚感,亦可以幫助燃燒更多卡路里。

西蘭花(34 kcal/100 grams)對降血壓有幫助,營養成分亦好全面,主要包括蛋白質、碳水化合物、維他命C同胡蘿蔔素等等;而且西蘭花嘅礦物質成分比其他蔬菜更全面同豐富,有鈣、磷、鐵、鉀、鋅、錳等等。

西柚 (42 kcal/100grams)係減肥人士必食咁滯,點解?佢有勁量食物纖維,促進消化之外,西柚亦可以增加新陳代謝,令身體更快燃燒熱量。多食西柚亦可以消除水腫同美白。

蘋果(52 kcal/100 grams)飽肚感都幾高,要消化同吸收佢大約需要75卡路里,同時亦有豐富維他命C。

You may also like...

Leave a Reply

Your email address will not be published. Required fields are marked *