【冰室小店鋸靚扒 石燒和牛大劈價】水蜜桃冰室

一聽到水蜜桃呢個名,好多人都會以為係間甜品店,不過加埋冰室兩隻字就唔同講法喇!水蜜桃冰室個名點嚟?經理就話係風水師改嘅,個名要有水同木,一啲都唔關水蜜桃事喎。不過都仲有另一個意思嘅,就係用水果名會比較young啲同甜啲,好似iPhone都叫蘋果咁易記喎,順便配合返客路走青春路線,一舉幾得。

講完個名,講返食物啦!餐廳招牌菜一定非噴火紐西蘭牛柳(九折優惠HKD106/原價HKD118)莫屬。日賣70份以上,好巴閉㗎!個個客人嚟到都一定會點佢,點解?因為呢個可以一次過滿足晒你視、聽、味覺嘅享受。唔同嘅扒仲會跟唔同嘅酒,大廚都試咗好耐㗎,什扒仲會有兩款酒淋落去添!啲火燒到㷫烚烚,好似睇show咁,如果有小朋友要食,侍應會好細心咁問需唔需要加酒,值得加分喎;而燒過嘅牛肉帶有微微酒香,鮮嫩多汁,入面仲係粉紅色,抵佢咁多人食啦!

如果想自己燒自己食,就可以叫呢個韓式石燒澳洲M7和牛(65折優惠HKD238/原價HKD368)呢個餐會跟埋生菜包同珍珠飯,客人想點食都得。自己落手落腳燒係好味啲嘅,可以一路燒一路加啲鹽,又可以食到牛嘅原汁原味,好正!如果唔鍾意,都可以跟韓國食法,用生菜包住食,再加蒜蓉片、蘿蔔蓉同燒汁一齊食,又得喎!經理話呢道菜完全不計成本,只係想俾多啲選擇客人,最緊要食得開心。

另外,餐廳仲新出咗鐵板龍蝦三文魚爆爆飯(7折優惠HKD159/原價HKD228)。個名叫爆爆飯又幾得意,經理話唔想餐廳大部分都係得肉類,變到好似扒房咁,所以就諗住出返啲海鮮,順便轉吓新menu,樣樣菜式都有齊,夠晒多元化。爆爆飯有半隻波士頓龍配上龍蝦汁,另一邊就有芝士做底,一個餐食到兩款滋味,點都啱食啦!飯糰有炸過,食落外脆內軟,配埋芝士拉絲,引死人咩!

叫得冰室,點會冇冰食呢?日本Lisse菠蘿雪芭(套餐追加HKD42/原價HKD65)可以話超抵食,用上新鮮果肉製造,入口濃郁得嚟又厚實,仲要係日本空運㗎!想特別啲嘅,可以唔叫水果,試吓南瓜/蕃薯味,呢兩款出面都比較少有,有新鮮感喎!

水蜜桃冰室
地址:旺角通菜街2Q-2Z號鴻輝大廈地下2R號舖
電話:2796 6128
營業時間︰星期一至日:12:00-23:00
套餐優惠日期:1月5日至2月5日

You may also like...

Leave a Reply

Your email address will not be published. Required fields are marked *