【雌激素低老得快 5大天然植物護子宮】懶健康貼士

一個女人係咪容光煥發唔一定關拍拖事,但一定關子宮事!

子宮係分泌雌激素嘅關鍵,亦係女性身體分泌荷爾蒙重要來源之一。如果雌激素低會影響子宮發育、月經失調、間接影響血液循環、皮膚質素、乾燥、皺紋、骨質疏鬆等等;再進一步會影響情緒,容易忟或暴躁。當呢啲情況不斷惡性循環,真係好易廿歲望落似三十歲。

所以調養子宮其中一個方法,可以食一啲含有植物雌激素嘅食物做額外補充,全天然㗎。咁有啲咩可以補充或者調節雌激素呢?睇下文啦!

豆漿

大豆含有異黃酮,呢種物質可以補充雌性激素。對迎接更年期嘅女士都有幫助,可以調控潮熱、心悸、失眠等情況。

山楂茶

用山楂、蒲公英和生薑泡茶,在進入40歲時開始飲用,當成每天必喝的茶,循序漸進,也可自然地補充漸漸減少的雌激素。

葵花油

葵花籽油含豐富亞麻酸,有刺激雌性激素合成嘅功能。每日煮餸用少少,不知不覺就促進雌激素分泌喇。

南瓜

含豐富維化命E有控制雌激素分泌嘅功效,對腦下垂體同卵巢有益。同時亦有效清除人體活性氧,預防高血壓。

芽菜

含豐富嘅植物雌激素香豆雌酚,結構同功能都類似人體自然分泌嘅雌激素,對舒緩女士更年期症狀有幫助。但注意要徹底洗乾淨,因為殘留嘅農藥同殺蟲劑會有人造雌激素。

雖然水唔係植物,但都要提提大家:人體有6成都係水,除咗排毒之外,都可以補充女性嘅雌性激素。唔好忘記,子宮都有黏膜組織,要有水份維持機能。

You may also like...

Leave a Reply

Your email address will not be published. Required fields are marked *