【大膽創新日料理 海膽煲仔飯爆多料】Naked原の味

Naked原の味大家估唔估到呢個名咩意思?其實好簡單,老闆就係想將食材最原始最赤裸嘅味道帶俾客人,希望佢哋食到最初最新鮮嘅味道,幾咁有心思呢!最近餐廳仲轉咗新menu,款款吸引又特別,如果想食啲出面少見啲嘅日式料理,呢間啱晒你喇! 

香茅橙汁劍魚腩(HKD138)食落好有驚喜喎!醬汁由香茅撈橙汁整成,仲用咗16種材料去熬製,令到成個汁變咗成道菜嘅靈魂,食落好refreshing,好似東南亞嘅日式料理咁,超開胃呀!而且入面仲加咗啲脆脆,好有口感啫!

龍蝦牛油果火焰卷(HKD220)唔好以為得龍蝦肉咁簡單,呢個卷物啲材料多到你唔信呀。每一嚿都有青瓜絲、明太子、巴馬火腿、牛油果、龍蝦肉、黑魚籽同紫蘇葉等。希望客人咬落去會有唔同嘅層次同口感,仲用咗成條龍蝦尾,食落啖啖肉㗎!

魚子醬海膽吞拿魚腩杯(HKD128)用咗傳統嘅做法加入黃瓜粒,食落可以中和返吞拿魚腩蓉嘅油膩,黃瓜粒又爽又甜,配埋海膽嘅鮮味真係冇得輸呀!食落好有層次感,老闆教路要撈埋一齊食先會最正,兩三啖KO容乜易!

爆膽飯小鍋原板海膽(HKD238)呢個其實係有少少似日式煲仔飯,會喺客人面前將成板海膽放上去,海膽十分鮮甜,配埋啲三文魚籽一齊食真係好正㗎!

八串拼盤(HKD128)主要俾客人可以試到最傳統嘅日式串燒,人人都鍾意食,仲有成8款串燒,記住要點燒雞皮!送埋酒就更perfect!

Naked
地址:尖沙咀麼地道61號冠華中心地下G1號舖
電話:2363 7299
營業時間:星期一至六:11:30-14:30;16:30-23:30 (星期日休息)

You may also like...

Leave a Reply

Your email address will not be published. Required fields are marked *