【全城圍插宣傳非法BBQ 網民翻臭史追擊KOL】食焦

呢期最大量嘅花生,梗係由飲食界嘅Hello Pinkey提供啦!一個唔小心就返唔到轉頭啦!話說天水圍嘉湖山莊隔離座「泥頭山」,俾人改建做高爾夫球練習場同燒烤場嚟牟利,涉及違契違規問題,但係Hello Pinkey就出po大讚係「高質BBQ」、更送埋優惠入場券添!有人就話佢收咗錢宣傳,竟然介紹埋啲非法BBQ場,連日嚟俾網民鬧爆!

靚環境BBQ?但係非法燒烤場喎!咁就出事啦!(Hello Pinkey周圍食fb專頁截圖)

算唔算愈描愈黑?真係唔講好過講。(Hello Pinkey周圍食fb專頁截圖)

上埋港聞咁大件事,Hello Pinkey冇刪po又冇道歉,仲死撐話問過燒烤場負責人,得到嘅回覆係冇觸犯法例喎,不過就將燒烤場送出嘅優惠活動暫停!出埋呢個留言,更加俾網民追擊佢,話佢「非法唔通又話俾你聽咩」、「唔好再扮KOL」……唔止咁喎,講得興起,神通廣大嘅網民更加搵返佢之前啲「黑歷史」嚟笑吓咁話。

Hello Pinkey俾網民大鬧佢del留言!(Hello Pinkey周圍食fb專頁截圖)

圖已cap。(Hello Pinkey周圍食fb專頁截圖)

乜嘢咁好笑?當然就係話Hello Pinkey介紹親嘅唔係放題就係自助餐,仲要乜都話好食,但係次次跟住佢去搵食,都一定中哂伏,「又唔見佢介紹吓啲小店……」高登仔仲話「上次幫間食到人嘔既泰國野出鱔稿 今次又收錢幫個犯法泥頭山出鱔稿」,仲有唔少網民cap圖話Hello Pinkey刪留言,又疑似喺呢段風頭火勢期間,搵打手「做媒」留言撐自己,愈搞愈肉酸!

群情洶湧,乜都拎返晒出嚟講!(高登截圖)

自己諗(Hello Pinkey周圍食fb專頁截圖)

喺專頁有成13萬人追蹤嘅「Hello Pinkey周圍食」呢次俾全城圍插,數臭佢嘅唔少,亦都有網友發揮創意惡搞吓啦。「墳場新聞」即刻玩嘢,po咗單嘢係咁嘅:「近期網名為『你好乳娘』四圍食向檢察官表示……自己只不過是一個陰間紅人,並無觸犯法例……自己只不過收到廣告費,所謂『有奶便是娘』、誰也怪不得誰,然後就送入場券宣傳,宣傳之間不免提及『高質』等賣,自己根本不知道是否非法。『走法律罅』在陽間香港或可以脫罪,在陰司必有嚴懲。」真係笑出嚟,俾人惡搞埋變「你好乳娘」,出盡風頭啦!

陰間紅人「你好乳娘四圍食」,個名改成點?(墳場新聞網頁截圖)

點睇?(墳場新聞網頁截圖)

You may also like...

Leave a Reply

Your email address will not be published. Required fields are marked *