【唔食紅棗點補血? 海鮮、堅果一樣得】懶健康貼士

煲紅棗水補血好老生常談,但總會有人唔多鍾意呢種古早味,咁係咪就冇得補血呢?咪傻啦,仲有其他正嘢食㗎!

食之前都講講血虛有咩症狀先:

  • 面色蒼白
  • 唇色較淡
  • 易頭暈眼花
  • 心悸多夢
  • 健忘
  • 手腳容易麻痺
  • 女性經期流量少

花蛤有4高:高蛋白質、高微量元素、高鐵、高鈣但少脂肪!低熱量都適合Keep fit人士。花蛤滋陰潤燥又利尿消腫,但易胃痛腹痛人士就要少食喇。

喺中醫角度通水氣、滋潤肺部、利於腎水、滋補壯血;西醫就指出蠔係含鋅量最多嘅天然食品之一,係男性生殖系統中重要嘅礦物質。

黑芝含有嘅鐵同維他命E可以預防貧血同消除血管膽固醇,中醫藥理亦指黑芝麻可以補肝腎、潤五臟、益氣力,改善肝腎血氣不足所致嘅頭暈症狀。

核桃含有豐富嘅不飽和脂肪酸、亞油酸、維他命B雜、維他命E、鈣、磷、鐵等微量元素,有助順氣補血、止咳化痰、潤肺補腎同潤腸通便添。

紅豆有豐富嘅鐵質,令氣色紅潤,可以補血同促進血液循環;另外,紅豆有利尿嘅功效,所以尿頻嘅人唔好食太多喇。

您也許也會喜歡…

發表迴響

你的電子郵件位址並不會被公開。 必要欄位標記為 *