【$300包早午晚宵夜 連登仔開箱法國軍糧】食焦

軍糧有乜食?仲要係法國軍糧喎!同法國大餐分別幾大呢?有網友就親身解開咗呢個傳說中嘅謎喇!有連登仔最近嘅開箱文,唔係零食,係開箱法國軍糧,一大箱有齊全日早午晚餐,仲連埋下午茶添!都幾大分量㗎,其他網友睇完都話想食添!

連登仔po嘅開箱文係一箱法國軍糧「法國單兵野戰口糧(Menu 7)」,呢個7號菜單有乜食呢?(連登圖片)

一大箱有16樣嘢,有嘢食同包埋迷你爐具,三百蚊抵唔抵食先?(連登圖片)

一大盒法國軍糧要幾錢?呢位連登仔就話用咗三百蚊港銀買返嚟喇!先由早餐開始,一包朱古力味燕麥片,一沖開水即食得,試食報告係「好香好濃朱古力味,但係太甜,幾漏下(吓),加埋啲好滯既(嘅)燕麥,一包夠頂成個上晝!」

早餐有燕麥片食,係朱古力味嘅!(連登圖片)

睇個樣ok喎!(連登圖片)

午餐又係點?就係一罐雞肉蝦仁意粉,有埋迷你金屬爐具俾你,網友話同其他國家軍糧係無火煮食有所不同喇!呢個意粉做午餐嘅試食報告係「好香蝦油味、味道真心唔差,有意粉屋水準!」其他網友見到都留言話食得過喎!

Lunch係罐雞肉蝦意粉,網友話細細罐都好飽肚!(連登圖片)

加埋熱就食得係咁嘅樣,吸唔吸引?(連登圖片)

意粉屋水準呀?ok嘅!(連登截圖)

午餐有意粉食,以為晚餐仲豐富?錯晒!晚餐原来只係得幾包餅乾仔同埋啲墨西哥卷餡料,餅乾分咗甜味同鹹味,大部分網友都話齋睇就覺呢個晚餐好唔吸引,分量咁少點會夠飽!嗰幾塊餅乾再配埋啲餡料嘅試食報告就係「口感極差,好硬,完全唔脆!」就咁睇,午餐贏啦!

晚餐竟然係得餅乾仔咋,唔夠食啦!(連登圖片)

唔夠飽咩?仲有小食㗎!有茉莉花茶啦、能量飲品,仲有啲水果啫喱條,其實可以當宵夜咁食啦!網友仲話傳說中嘅法國軍糧,係要用六箱美軍單兵野戰口糧先換到一箱返嚟㗎!網友留言又問喇,咁中國軍糧又點呢?有人回應話難食到一個點、有人就話以軍糧嚟講算係咁,尤其係個羊肉飯配個香辣醬先係精華喎!

夜晚覺餓?食吓零食囉!有水果啫喱糖,網友話味道有啲似山楂餅,唔錯咁話!(連登圖片)

中國軍糧係咁?(網上圖片)

網友解答咗中國軍糧味道如何!(連登截圖)

You may also like...

Leave a Reply

Your email address will not be published. Required fields are marked *