【一隻蛋煮出創新料理 茶碗蒸配豚骨湯底好味】一風堂

雞蛋一直都係日本人最鍾意嘅食材之一,除咗常見嘅烹調方法之外,又可以煮出充滿日本風味嘅蒸蛋、奄列或者直接生食都得!最近一風堂就同日本養雞協會crossover,帶嚟三款創新又充滿日本風味嘅菜式,為主餐加入新元素,食客有福喇!

全新雞蛋美饌有赤丸風茶碗蒸 (HKD28),茶碗蒸係傳統嘅日本菜式,今次特別加入咗一風堂嘅豚骨湯底,配埋鹿兒島出產嘅新鮮雞蛋。用咗同「赤丸」拉麵一樣嘅食材,濃郁豐富嘅口感令人份外滿足,似足迷你版「赤丸」。

白丸風茶碗蒸(HKD28)比「赤丸風茶碗蒸」清新,一樣加入豚骨湯底,配以「白丸」拉麵嘅配菜,同樣可以凸顯濃滑蛋香嘅獨有味道。

濃厚玉子叉燒角包(HKD35)用咗鬆軟嘅角包包住爽脆嘅生菜、叉燒同半熟玉子,配上用新鮮蛋黃同蛋黃醬混合嘅濃厚醬汁,將蛋味提升,一啖食晒落口正呀!

而新品就有芫荽一風堂餃子(HKD45),煎餃子係一風堂最受歡迎嘅小食,加上滿滿嘅芫荽再配上清新嘅羅勒沙律汁,夠晒田園風味,芫荽迷必點!

唐揚海老(HKD48)用咗新鮮甜蝦炸到金黃色,非常適合用嚟做送酒小食,同朋友開心share又得啫。

三色丼(HKD42/細)色澤鮮艷嘅三色丼係日本家庭經典料理,三色分別係 (含雞肉及叉燒)、雞蛋同炒蒜組成,特別啱小朋友食啦!

黑豆抹茶布甸銅鑼燒(HKD28)由日本直送,細膩嘅口感配合濃郁嘅抹茶香味,飯後甜品一流呀!

一風堂
地址:香港九龍旺角亞皆老街8號朗豪坊4A樓5號舖
電話:3514 9380
營業時間:星期一至五:11:30-22:30;星期六日及公眾假期:11:00-22:30

You may also like...

Leave a Reply

Your email address will not be published. Required fields are marked *