【過年食到腸都塞 即煮木瓜甜品消滯】懶健康貼士

過年後嘅通病都係食到肚滿腸肥,跟住就要食得清啲通吓腸要減吓肥喇!今次就介紹木瓜同合桃嘅快速甜品組合,幫大家通返條腸啦!

木瓜 —— 含有嘅木瓜蛋白酶可以將脂肪轉為脂肪酸;另外亦含有一種蛋白質分解酶「木瓜酵素」,可以分解肉類中嘅蛋白質,減退飽脹不適嘅感覺。

合桃 —— 有豐富纖維,促進腸胃蠕動、消化同排便。合桃仲有豐富嘅次亞麻油酸,屬於omega-3形式嘅脂肪酸,對降低血脂同膽固醇相當有效,啱晒大魚大肉之後食。合桃可以生食,當零食食都得。

黃金缽缽
材料:
木瓜 1個
粟米粒 3湯匙
提子乾 適量
合桃 適量
芝麻 適量

1. 將木瓜開半後去籽。

2. 放上適量粟米粒一起蒸10-20分鐘(視乎木瓜嘅成熟程度)。


3. 灑上適量合桃、芝麻及提子乾,食得!*鍾意黑醋嘅朋友可以淋少少喺面再食。

還原靚靚腰,肥美節唔使怕。

您也許也會喜歡…

發表迴響

你的電子郵件位址並不會被公開。 必要欄位標記為 *