【腎虧食咩好? 6款海陸空食物幫到你】懶健康貼士

補身唔止係女人嘅事,其實男人都需要,所以今期同大家講吓點先做到個好腰好腎好男人!唔使怕醜,唔得先大鑊。

咩係「腎虧」呀?

五臟(心、肝、脾、肺、腎)中嘅腎係「五臟之根,生命之門」,「腎虧」係中醫特有嘅用詞,即係指腎臟虧損(包括性器官功能和腎神經系統)。所以補腎都有恢復生殖器官功能、增強性神經同活動能力嘅意思。

腎臟健康嘅人面色紅潤、精力旺盛、頭髮烏黑發亮、雙目有神、步伐穩健、記憶力強;但腎臟虧損嘅人面色灰暗、口乾氣喘、容易耳鳴眼花、頭昏腦脹、腰酸背痛、雙膝乏力、失眠善忘、夜間小便頻繁。

補腎食呢啲好:

鵪鶉

中醫認為鵪鶉肉可以「補五臟,益精血,溫腎助陽」,男士食用有助增強氣力、性功能同壯筋骨。鵪鶉營養豐富,仲含有多種卵磷脂同人體必需嘅氨基酸。

大家都知蠔有補腎同滋陰壯陽嘅功效,因為男性精液同生殖細胞之中都含有大量嘅鋅,而每100g蠔嘅鋅含量高達9.39mg。不過唔需要食得太多,男性每日需要11mg嘅鋅就足夠身體所需㗎喇。

淡菜

淡菜有大量蛋白質、碘、維他命B雜同鋅等等,可以溫腎固精、益氣補虛。

韭菜

韭菜可以補虛益陽、調和臟腑、補肝、治尿頻同遺尿等問題;韭菜根亦可以治盜汗。

枸杞子

枸杞子除咗明目,亦都滋補肝腎、和血潤燥同烏髮。亦有醫藥學研究發現,枸杞子會幫助延緩衰老、美顏。

秋葵

秋葵有俗名叫補腎草,主要功效強腎補虛,佢嘅果膠亦有護肝功效。

您也許也會喜歡…

發表迴響

你的電子郵件位址並不會被公開。 必要欄位標記為 *