【韓迷朝聖食買玩 GD cafe隊啤歎cupcake】食焦

上星期BIGBANG隊長G-DRAGON(GD)現身「濟州神話世界」,係佢當兵前最後一次出席公開活動,為佢自己嘅「親生仔」GD cafe「Untitled,2017」進行開幕儀式。咁重要日子梗係逼爆現場啦,GD同所屬嘅YG老闆楊賢碩進行打手印儀式,GD咖啡店正式開張,亦為「濟州神話世界」呢個娛樂城開咗個靚頭彩!

入伍前最後公開活動嘅look,潮人們學嘢喇!(濟州神話世界fb專頁圖片)

夜景係咁樣,似唔似間cafe?(濟州神話世界fb專頁圖片)

其實唔止V.I.P(BIGBANG粉絲)緊張,旅客同食客都一樣咁期待㗎,事關「濟州神話世界」除咗俾粉絲朝聖,仲有唔少食店,可以一次過滿足晒食買玩三個願望!當日有份去朝聖嘅V.I.P同小編講,雖然GD入咗cafe招呼完客人無耐就閃走咗,但係cafe入面一樣有唔少GD嘅精心傑作㗎!

舉杯,慶祝GD cafe開幕喇!

GDX濟州神話世界,就係型囉!(V.I.P提供圖片)

為咗要趕喺GD入伍前開幕,依家cafe暫時只係得啤酒同咖啡呢啲飲品供應,開幕當日見到嗰啲靚靚cupcake其實要到3月中先真正有得賣。睇得唔食得,但係見到啲cupcake嘅賣相都靚過人,照估計正式開賣嗰日肯定好搶手!咁一支GD啤酒賣幾錢?圍起要成百蚊港銀一支,抵唔抵?唔問啦,去得嘅就覺抵俾㗎啦!

GD啤酒HKD100一支,飲落都特別好飲啦!(V.I.P提供圖片)

GD cafe嘅cupcake暫時要等到大約三月中先有得賣,依家睇定揀吓邊款先啦!(V.I.P提供圖片)

襟章紀念品開幕嗰日已經斷晒貨。(V.I.P提供圖片)

隊吓啤飲吓咖啡,仲有乜做?梗係要兜返個round先夠滿足啦!cafe入面有兩大朵郁得嘅巨型花,又紅又黃好大朵好壯觀,現場仲有唔少紀念品賣,開幕嗰日賣嘅紀念品好似襟章咁,就即刻賣斷晒喇!

場內郁得嘅大紅花,好靚呀!(V.I.P提供圖片)

GD皮褸,很想要吧!不過只限展區非賣品呀!(V.I.P提供圖片)

食cupcake未夠飽肚點算?又唔怕啫,因為「濟州神話世界」除咗GD cafe之外,仲有YG社長楊生打骰嘅其他餐廳,又有西餐又有烤肉,咁當然最有話題梗係GD cafe啦!

「濟州神話世界」仲有YG楊社長嘅其他餐廳,食西餐可以去「3 Birds」!(V.I.P提供圖片)

仲有一間係食烤肉嘅「三兄弟烤肉」!(V.I.P提供圖片)

You may also like...

Leave a Reply

Your email address will not be published. Required fields are marked *