【「維他牛」A貨扮港牌 強國山寨版乜都抄一餐】食焦

強國出品,有時真係笑死又嚇死㗎!成日都聽見有唔少乜乜山寨版出現,正版同A貨抄到十足,好似最近就發生咗「維他牛」事件喇!係首先有網友po咗張有「維他牛」字樣嘅飲品相,喺盒面仲有簡體字寫住「檸檬茶味飲料」,仲標明係「香港品牌」,咁嘅樣,一睇都知係抄緊「維他檸檬茶」喇!

最先瘋傳嘅就係呢張相,「香港品牌」?但係有殘體字嘅?(Tai Po 大埔fb群組圖片)

「維他牛」係有官網嘅,入面檸檬茶類嘅造型令人大開眼界,仲有句「要来,就來真的!」,真係真假難分喇!(維他牛網頁圖片)

呢張相隨即喺網上瘋傳,跟住就愈揭愈多,發現生產「維他牛」檸檬茶嘅公司係喺中山,佢嘅官網仲有唔少熟口熟面嘅山寨版出現,不過喺檸檬茶嘅最新官方圖片入面,已經唔見有「香港品牌」呢幾隻字,變咗用簡體字寫住「真茶+真檸檬」,同埋喺張相度有大大句「士撈緊」,寫住「要来就來真的!」你話諷刺唔諷刺先?

除咗紙包,樽裝係咁嘅!係咪都好熟面口?(維他牛網頁圖片)

網友說出重點來!(連登截圖)

跟住有傳媒搵到呢間「維他牛」嘅負責人,佢就話確係有「參考」正版維他包裝喎,但就強調自家品牌個商標係合法喎,仲話想建議香港維他,可以主動出錢收購佢哋,嚟平息糾紛咁話!呢個說法係咪搞笑咗啲呢?

惡搞圖出現,維他奶全家出動。(網上圖片)

點解唔叫?可能係未叫,遲啲真係有唔出奇喎!(連登截圖)

講到強國嘅抄抄抄,真係數唔盡,除咗「維他牛」呢個幾胞胎好笑之外,連餐廳都有餅印㗎!好似係深圳有間叫「Lady 7」嘅cafe,個名擺明好7,佢主打甜品系,其實由環境裝修logo再到食物賣相,都同台灣嘅「Dazzling cafe」似到十足,香港就真係有分店,但係「Dazzling cafe」冇開到去深圳囉!

呢間係深圳嘅「Lady Seven」。(Lady Seven fb專頁圖片)

呢間係台灣嘅「Dazzling cafe」。(Dazzling cafe fb專頁圖片)

Lady 7又關唔關Lady M事?(Lady Seven fb專頁圖片)

正版個Logo係咁嘅!(Dazzling cafe fb專頁圖片)

You may also like...

Leave a Reply

Your email address will not be published. Required fields are marked *