【天水圍新開主題餐廳 主打fusion菜勁多優惠】The Platter

講到天水圍有咩好食,除咗可以捐窿捐罅小店尋寶之外,酒店出品就更加係信心保證。好似最近天水圍嘅悅品天秀酒店,就有新餐廳The Platter開張,仲要係球類主題餐廳添!餐廳環境以至菜式設計都用籃球、足球、網球同欖球作為靈感,一眾熱愛打波嘅朋友可以去打卡順便試埋特色菜!餐廳仲會全天候直播各項世界級大型運動賽事,邊食邊睇波,爽呀!最近仲有新張優惠,逢星期一至五惠顧午市或晚市惠顧套餐,可以加3蚊歎埋法式薄餅伴Häagen-Dazs™ 雪糕;而逢一至五食午市或晚市都會有8折優惠,而星期六、日就有自助晚餐8折優惠,晚餐仲有買3送1優惠添!機會嚟喇飛雲,衝呀!

The Platter主廚Patrick Ho話佢哋設計嘅菜式保留傳統之餘同時創新口味,嚴選最優質同天然嘅食材,希望客人可以食得滿足、開心。

自創西班牙XO醬海鮮扁意粉(HKD168),XO醬豬扒炒公仔麵就聽得多,但XO醫意粉就夠創新喇!XO醫用喺西餐,真係中西合壁嘅味道呀!辣得嚟好香口,嗜辣嘅朋友仔唔好錯過!

菠蘿包除咗加牛油之外仲有好多玩法,呢個和牛芝士港式菠蘿包漢堡伴薯條(HKD188)就將菠蘿包同和牛芝士做Mix & Match,將菠蘿包變為fusion版新派burger!菠蘿包表面酥脆可口,夾埋和牛同芝士超有層次感,好特別呀!

甜窩夫食得多,咁鹹呢?呢個芝士龍蝦窩夫三文治伴薯條(HKD228)真係幾吸引吓,又芝士又龍蝦咁,即刻諗返起細個成日去酒樓都好想阿媽嗌芝士龍蝦伊麵食,係童年呀!呢個鹹食窩夫都算唔錯,唔會太厚成嚿麵粉咁,依家The Platter仲做緊新張優惠,只要一至五惠顧任何一款晚市套餐,即可以加HKD33食到呢個窩夫,原價要成228蚊㗎,好抵呀 !

自創法式低溫烤乳豬 (HKD268),聽個名好似好把炮咁喎,又法式又低溫烤咁樣。原來呢個菜式都有啲歷史㗎,大廚Patrick喺2010年研究出呢味菜,用改良版嘅法式傳統烤羊調味方法醃製,再以低溫慢煮8個鐘然後再以高溫烤製,製作過程落足成擔心機,乳豬外皮脆口但亦因為8個鐘高溫烤製而保持到肉質嫩滑又juicy,正呀!

優惠供應時期:
日期:2018年 5月 31日(5月 12及 13日除外)

The Platter
地址:天水圍天秀路8號悅品天秀酒店4樓
電話:3583 6128

營業時間:星期一至四:07:00-23:00;星期五至日:07:00-01:00

You may also like...

Leave a Reply

Your email address will not be published. Required fields are marked *