【連登仔投訴找少錢唔俾返 收銀姐回應:規矩等埋數】食焦

遇到收銀找少咗錢,但係都冇得攞返,應該點做先好?有連登仔開po話有日lunch去咗調景嶺間翠河餐廳食晏,叫咗個三色蒸水蛋有蛋殼喺入面都算喇,仲要埋單發現收銀找少咗錢,「個餐$43 我怕太多散銀比左$55,跟住個收銀望都唔望就以為我比$50,直接找左$7比我,咁我本身另轉身諗住走,但feel到唔對路……」

其實食三色蒸水蛋有蛋殼同找少咗5蚊,邊樣嬲啲?(連登截圖)

翠河,唔計呢單,其實網上都已經一地負皮!(網上圖片)

呢位巴打仲將自己同收銀姐嘅對話打晒出嚟,簡單啲講,個餐43蚊,巴打俾55蚊,係要找返12蚊嘅,但係收銀找咗7蚊啫,佢擰返轉頭同收銀講,點知俾人話「總知你另(擰)轉左身就當走嫁啦,走左就唔會比返你」、「 總知宜家冇得比返你啦,如果我地今晚真係多左錢,咁你聽日黎拎返」!

巴打詳盡對話!(連登截圖)

都係冇得攞返啦!(連登截圖)

巴打總結:人善天不欺,人善被人欺!(連登截圖)

結果巴打嬲到連嗰7蚊都冇要到嘅!巴打話po上網唔係想公審間餐廳同個收銀喎,只係想大家唔好貼錢買難受咁話!當然有唔少人回應佢,話佢做乜唔當場報警呀、食43蚊點解要俾人55蚊,更多人係話翠河根本就係難食,一早唔應該去喇!

巴打話嗰幾蚊當跌咗!(連登截圖)

小編打咗去調景嶺間翠河,接電話位員工原来就係當日位收銀姐,佢話:「如果個個擰轉背先話找少咗錢,個個係咁,我哋唔使出糧啦!我做收銀咁多年,遇過太多呢啲情況,嗰日嗰位係後生仔嚟嘅,我冇話係邊個錯,點都要等嗰晚埋數睇吓係咪真係多咗先,呢個係規矩!」

又係喎,俾55蚊人找做乜呢?(連登截圖)

收銀姐就話當晚埋數,係多咗15蚊!「我只係話唔可以即場俾佢,要埋咗數先得!嗰晚係多咗15蚊,佢嗰7蚊係佢自己唔要俾返我嘅!(咁係咪有12蚊多咗會俾返佢?)我都話佢第二日嚟,我咪俾返佢囉!」巴打仲去唔去呢?

最多人講嘅係難食囉!(連登截圖)

You may also like...

Leave a Reply

Your email address will not be published. Required fields are marked *