【飲酒睇波宿醉點解救?酒後大忌咪飲茶呀!】懶健康貼士

話咁快今屆世界盃進入最後嘅決賽同季軍賽喇,大家準備好啤酒小食未呢?小編今次唔係叫大家唔飲咁掃興,因為叫都唔會理我啦,所以小編幫大家搜羅解酒貼士,等你哋第二朝回魂得快啲。

飲酒前準備:

牛奶可以保護胃黏膜,因為牛奶中嘅蛋白質遇到胃酸就會凝固,降低胃部吸收酒精嘅速度同酒後噁心感覺,所以飲酒之前可以先飲一杯牛奶。

芹菜可以清熱同疏肝理氣,對解酒毒都有作用。而且芹菜含豐富維他命B,可以舒解酒後腸胃不適,飲酒前後飲一杯芹菜汁都唔錯㗎。

 

飲酒後補救:

生薑可以止嘔,如果酒後有噁心嘔吐嘅感覺就含一小片生薑喺口啦。

酒精會令身體流失維他命A、B、C,令血糖水平下降。可以飲啲天然果汁補充糖分,例如蘋果汁,幫身體補充返糖分同電解質。不過好似橙汁酸性較強嘅果汁就唔建議飲用喇。

 

酒後早餐:

麵包或餅乾呢類含有澱粉質嘅食物都有助恢復血糖水平,而全麥麵包含有豐富的維他命B及脂肪酸,有助身體排毒。

 

酒後大忌!

好多人酒後會飲茶解酒,其實會傷腎㗎!茶會刺激胃酸分泌,令酒精對胃黏膜嘅傷害更深。

You may also like...

Leave a Reply

Your email address will not be published. Required fields are marked *