【網紅勁推打卡必去 深圳最hit三大咖啡店】Lapslaps、Pillow Coffee、chotto等等

近呢一、兩年深圳愈開愈多咖啡店,間間都別樹一格各有特色,唔止當地人會去打卡朝聖,依家仲愈來愈多港人北上添喇!今次小編就搵咗三間最近好多網紅都推薦嘅café,環境超靚、影相位超多,趁放假約埋朋友上去影寫真食好嘢就最啱啦!

粉紅超夢幻 Lapslaps

充滿粉紅色彩好繽紛嘅Lapslaps,一入門口已經有架跑車等緊你,又係全粉紅色,十足十拍MV咁,可以俾自己喺度做一日女主角,已經夠晒氣派啦!

場內幾乎每一個位都可以影到靚相,最特別係吧台位置,真係好夢幻㗎!

草莓Freakshake(RMB56),個個嚟到基本上都會叫返杯,由奶油、草莓同甜甜圈等做成,十級邪惡呀!食完即刻覺得自己肥咗囉,不過味道唔錯,最緊要唔會好甜膩,呢個睇得又食得嘅打卡道具簡直滿分呀!

Lapslaps
地址:麻雀嶺工業區華富洋大廈210

電話:18507520638
營業時間:星期一至星期日:10:30-21:30

 

復古文藝風  Pillow Coffee

Pillow Coffee由兩個香港人開店,全店以白色為主調,走復古路線,入面仲有張優雅大床做擺設俾食客影相。唔少網紅仲話店主好靚仔添,大家識做啦!店內嘅細節睇得出店主好用心設計,客人一入到嚟已經可以感受到濃濃嘅古典氣息。

除咗環境100分、店主顏值高,餐廳出品嘅食物都好高質㗎,每月會轉一次menu,食物同飲品都好似藝術品咁,好高貴呀!

布朗尼(RMB45),好多人都推薦呢個甜品,布朗尼蛋糕係自家製,上到枱依然熱辣辣,口感外脆內軟!配埋店內嘅背景同道具,影出嚟嘅每一張相都特別有質感,特別好食呀!

Pillow Coffee
地址:深圳市南山區桃源街區留仙大道眾創產業園B52棟107戶

電話:13728683342
營業時間:星期一至星期四:11:00-20:00;星期五至日:11:00-21:00

 

後花園度假 chotto等

chotto等等置身喺花園入面,大概係想客人可以好relax咁享受餐飲,再欣賞埋身邊嘅風景。眼前一片綠油油嘅樹成為獨特嘅裝飾,令人融入大自然當中,唔講以為去咗泰國度假呢!

餐廳主廚原來仲大有來頭,曾經喺澳洲星級名店Attica工作過,可想而知每一道菜都係水準之作啦,一場嚟到唔止食環境咁簡單喇!

Chotto花園(RMB68),店內招牌菜之一,有大麥雪糕、燒仙草啫喱同薄米脆等,整體口感非常特別,造型似足樹葉同泥土,好有大自然feel,咁有心思真係唔捨得食呀!

chotto等等
地址:深圳市福田區彩雲路彩田公園水木石藝術館內

電話:13641499201
營業時間:星期二至星期日:12:00-20:00

You may also like...

Leave a Reply

Your email address will not be published. Required fields are marked *