【侍應圍攻疑似遊客 網民力撐澳牛真漢子】食焦

估唔到一張澳牛黑白相po咗上網,竟然可以引嚟咁大反應!話說有網民po咗一張澳牛場內人頭湧湧嘅相,仲要係黑白嘅,見到嘅畫面似係有堆侍應圍住一啲人咁啦,內容係咁嘅:「澳牛飯後甜點 話說貌似遊客的玩命男,於店內阻塞通道,被侍應哥哥提點後竟敢駁嘴;最後被全店侍怒X娘親,落荒而逃。」

有網友話:「俾澳牛哥仔X的人沒有一個是無辜的!」。同意嗎?(蕭叔叔英式英文學會fb專頁截圖)

又有網友話:「冇人可以喺澳牛大聲過澳牛人!」。咁誇張?(網上圖片)

所謂有反應,唔係因為呢單侍應圍攻疑似遊客事件喎,而係網友紛紛對澳牛作出不同嘅結論同分析喎!按常理係點呢?通常都各打五十大板,一係就更多人會鬧爆侍應咁樣待客之道真係唔掂之類之類啦……點知呢次網民嘅反應係一面倒力撐澳牛喎,仲講返晒澳牛往事咁滯,話澳牛侍應係真漢子同鐵漢柔情!

大肚婆網友回憶之一。(蕭叔叔英式英文學會fb專頁截圖)

好大頂高帽送俾澳牛侍應呀!(蕭叔叔英式英文學會fb專頁截圖)

最多例子就係話澳牛侍應有火氣係事實,但對住大肚婆客人就即刻變綿羊,仲好細心服務週到唔使排隊就有位坐呢,仲有唔少人講返自己嘅親身經歷出嚟,話大肚嗰陣都受過呢班鐵漢嘅柔情對待咁話!

有冇真係無辜嘅人?(蕭叔叔英式英文學會fb專頁截圖)

去澳牛搞到好大壓力啫!(蕭叔叔英式英文學會fb專頁截圖)

有網友仲列咗自創嘅澳牛守則出嚟,「澳牛規則:一,諗好食咩(炒蛋煎蛋多士麵包通粉意粉牛肉火腿叉燒除非你叫快餐或MENU)二,食到咁上下先叫野飲;三,唔好䌓忙時段以為自己飲afternoon tea慢慢嘆(人地賣點係快靚正)基本上做到以上,澳牛的哥哥一般都好客氣!利申:由係阿媽個肚的時候食到宜家!」嘩,睇嚟真係好多澳牛專家咁喎!

唔小心犯咗規會點?(蕭叔叔英式英文學會fb專頁截圖)

You may also like...

Leave a Reply

Your email address will not be published. Required fields are marked *