【台灣爭鮮大胃王挑戰 92磅索模鯨吞105碟壽司】食焦

台灣爭鮮啱啱搞完咗個大胃王挑戰賽,男女大胃王正式誕生啦!男人食量驚人唔出奇,女大胃王竟然係位性感辣模,仲要只係得92磅瘦瘦的,佢誇張到喺限時50分鐘內,鯨吞咗105碟壽司,食完仲要面不改容好似唔夠飽咁喎!

點會估得到呢個咁瘦、塊面咁尖嘅女模會係大胃王呢!(張語昕fb圖片)

好彩趕得到最後一日挑戰呀!(張語昕fb圖片)

有網友留言話當日見到埋數有117碟喎,張語昕就回應話自己最後加點咗12碟!好犀利呀!(張語昕fb圖片)

比賽係咁嘅,只要食完一碟碟嘅壽司,疊高啲碟高過自己身高就叫挑戰成功,唔使俾錢喇!參加挑戰之前,各位勇士都要喺門口量度身高,再睇返個相對表,睇吓自己要食幾多碟先可以贏囉!好似140cm高,相等於90碟壽司嘅高度、155cm就係100碟,而女大胃王嘅身高呢就係158cm,照道理食過100碟都已經贏,結果佢喺限定嘅50分鐘內食咗105碟!

喺台中嘅呢間爭鮮九月份逢星期四搞大胃王比賽,賽制係食完啲碟疊高要高過自己身高!食之前個個都要度吓啦!(東森新聞電視畫面截圖)

睇吓自己個身高要食幾多碟先啦,你挑唔挑戰到呢?(爭鮮迴轉壽司西屯特店fb圖片)

只係消滅咗29碟都有張證書仔喎!挑戰唔成功咁點計錢呢?原來超過15碟:計每碟20蚊台幣;過100碟:計每碟15蚊台幣;超過自己身高:全免啦!(爭鮮迴轉壽司西屯特店fb圖片)

仲未止㗎,食完105碟仲未夠喉,索模自己再加點咗12碟,即係總共食咗117碟,超額完成嚇死人啦!咁驚人嘅消息即刻喺網上瘋傳,呢位女大胃王成為風頭人物,佢仲喺自己fb度就話「終於趕上台中最後一天 破本店第一名 紀錄了 105多盤 #怒吃 謝謝美女店長、師傅 辛苦了 #一直切跟不上我吃的速度」!現場消息仲話個個都拍爛手掌為佢歡呼添喎!

大食成名,張語昕女模接受電視訪問傾大食經!(東森新聞電視畫面截圖)

男大胃王就食咗116碟,比起自己178cm要食114碟,仲食多咗2碟!成功呀!(網上圖片)

呢位影開性感相嘅索模大胃王名叫張語昕,做咗爭鮮大胃王之後變咗風頭躉,接受埋電視訪問,佢話自己當日其實食完都只係得七分飽,又話遲啲想去日本參加大胃王比賽,等人知道台灣都有女大胃王!其實張語昕唔係第一次被封大胃王㗎喇,兩年前佢試過30分鐘內食咗15碗總共3公斤嘅魯肉飯而成名,睇嚟女神個胃口一直都咁驚人,好大食呀!

女大胃王其實影開尺度甚大嘅性感照,喺台灣一直都有F Cup豪乳辣模之稱!(張語昕fb圖片)

靠食出位做咗網上紅人,咁多noise梗係開心啦!(張語昕fb圖片)

You may also like...

Leave a Reply

Your email address will not be published. Required fields are marked *