【黑椒漢堡攝影大賽又嚟 高登仔一人一張過招】食焦

麥記又回歸咗黑椒漢堡啦,即係高登仔又要做嘢,之前趁麥記推出嗰陣,又再推黑椒漢堡攝影大賽,截止日期係今日喎!呢個咁深入民間嘅攝影大賽,真係高手在高登喎!睇吓嗰三大參加條件啦,「1. 一定要係出自麥當勞既黑椒漢堡 2. 一人一個reply只可以貼一張 3. 禁用真屎」!

理想圖。(網上圖片)

現實圖。(高登圖片)

耐唔時又會出現嘅黑椒漢堡攝影大賽,高登仔幾咁長情!(高登截圖)

重點係,最緊要多汁啦,記得落order嗰時就要叫多汁呀,咁先至可以影出一張爆汁嘅靚靚黑椒漢堡相嘅!開咗po之後,高登仔一人一張影出嚟啦,有啲真係爆晒汁,但係有啲就相反,乾過沙漠呀仲!熱心高登仔就有好提議喇,「要影得靚,除咗角度,個包嘅濕潤度都好緊要」!

高質圖啦,爆晒汁,高登仔最開心!(高登圖片)

高質圖+1。(高登圖片)

多醬係必贏啦!愈多愈正啦!(高登截圖)

其實每次嘅黑椒漢堡攝影大賽,最想睇嘅就係有幾核突影到有幾核突啫!爆晒黑汁嘅效果梗係最得高登仔歡心啦!除咗濕潤度要夠,有高登仔再有溫馨提示㗎,就係一不做二不休啦,「其實呢個世界仲有樣嘢叫茄汁可以加埋落去」;「唔爭在加埋粟米」……真係夠晒創意呀!

冇汁已經慘,仲要俾人寸喎!(高登截圖)

呢個包真係乾到裂喎!(高登圖片)

仲有個永恆嘅問題係,如何可以食到唔會成手都係?高登仔話次次食親黑椒漢堡,唔止成手都係喎,仲食到連件衫都係喎!咁呢個先係黑椒漢堡嘅魅力啫!黑椒漢堡回歸咗喇,又令高登仔懷念起消失咗嘅咖喱漢堡喎!唔知幾時又推返個咖喱攝影大賽呢?

好想知咁樣加料法會點呀!(高登截圖)

最期待嘅咖喱漢堡!(高登圖片)

You may also like...

Leave a Reply

Your email address will not be published. Required fields are marked *