【台灣出珍珠奶茶拉麵 開店2粒鐘賣清食客讚好】食焦

珍珠乜乜乜真係去到乜都可以加珍珠嘅地步!以為pizza同梳乎厘加珍珠都已經夠出奇啦,依家連拉麵都可以喎,整咗味台日crossover嘅「極品」出嚟!最近喺高雄嘅一間拉麵店,真係諗咗呢條橋出嚟,珍珠拉麵呀!你敢唔敢試?

嘩嘩嘩,珍珠入侵埋拉麵喇終於!(極道ラーメンfb專頁圖片)

高雄拉麵店出招,推出珍珠拉麵,唔知有冇其他店跟風呢? (極道ラーメンfb專頁截圖)

呢間喺高雄嘅拉麵店「極道ラーメン 」,上個星期推出咗珍珠拉麵,喺碗拉麵上面見到鋪滿一粒粒珍珠奶茶嘅珍珠,喺佢哋個專頁度話「台灣珍奶VS日本拉麵,鮮奶茶的圓潤口感做為湯底,配上珍珠新食感,台日混血珍珠拉麵就此誕生顛覆你的想像!珍奶也可以這樣吃……」

網友食評,唔似有伏,因為珍珠都冇味!(極道ラーメンfb專頁截圖)

信唔信得過? (極道ラーメンfb專頁截圖)

個個睇見張相都覺得難以置信,估佢唔到珍珠都好以加埋落拉麵度,好多人都紛紛留言問究竟係咩味,即係鹹定甜?有勇士去食咗喇,竟然係話整體味道係ok喎,仲解開咗大家都好想知嘅謎底,原來珍珠係無!味!道!㗎!「整體很好吃 多了珍珠(沒味道)的口感還附上鮮奶油讓湯頭有淡淡的奶香!」

呢次台日mix & match夠晒宣傳效果,梗係話咁快賣晒啦!(極道ラーメンfb專頁截圖)

店主嘅回應。(極道ラーメンfb專頁截圖)

呢碗限量供應嘅珍珠拉麵,賣270蚊台幣,計返大約70蚊港銀,拉麵店仲話開賣無耐,就即刻賣清添!反應咁好,好多人梗係貪新奇想去試吓啫,keep唔keep到熱賣真係要再睇多一輪時間喇!話晒咁有創意嘅配搭真係未必人人頂得住,湯底係雞湯+紅茶+牛奶,而話時話,無味嘅珍珠其實加落去又為乜呢?下次會唔會炒埋啲黑糖落去呢?咁就真係又喊又甜,加埋麻辣湯底,乜味都有喇!

之前喺台灣掀起話題嘅珍珠pizza!(網上圖片)

最近登陸香港嘅台式店美好年代,都係以珍珠mix落梳乎里度成為鎮店之寶!(美好時代fb專頁圖片)

日本暫時未見有珍珠拉麵,但係真係有菠蘿拉麵喎!成間店仲用菠蘿做主題,連裝修都放滿菠蘿裝飾!(網上圖片)

You may also like...

Leave a Reply

Your email address will not be published. Required fields are marked *